Tragjedi në familje, shkrumbohen tre fëmijë të mitur

Tragjedi në një familje në Maqedoni. Ngjarja e rëndë ka ndodhur dje pasdite në Veles, ku zjarri në banesë ka shkrumbuar tre fëmijë, të moshës 1,2 dhe 5 vjeçare, njofton Portalb.mk.

Ashtu siç shkruajnë mediat lokale, shtëpia në të cilën ka ndodhur zjarri gjendet në terren jo të përshtatshëm në Veles, gjë që e ka rënduar intervenimin e ekipeve të zjarrfikësve.

Vendi, sipas mediave është ndërtim i egër. Informatat thonë se bëhet fjalë për familje e cila është në gjendje të rëndë financiare, e cila ka improvizuar vendbanim dhe aty ka jetuar rreth 2 vjet. Zjarrin e kanë parë fqinjët të cilët kanë qenë larg qindra metra nga shtëpia.

Policia është në terren dhe po kryen ekspertizë për zbardhjen e arsyeve të zjarrit.