Tragjedi në Liqenin e Shkodrës, humbin jetën 4 persona

Në Liqenin e Shkodrës, shuhet një familje tre anëtarëshe nga Zeta e Malit të Zi dhe një qytetarë i cili bëri përpjekje që ti shpëtonte ndërsa po mbyteshin pasi varka me të cilën po lundronin u përmbys.

Familja tre anëtarëshe, Jana, Ratko dhe Nina Kumburoviç nga Zeta u mbytën ndërsa po lundronin me një varkë, kur për shkak të përkeqësimit të motit u përmbys. Ndërkohë jetën e humbi edhe djaloshi nga Kuçi, Darko Vujosheviç i cili bëri përpjekje që të shpëtoj familjen që po mbytej, ka rrëfyer gazetari Radojica Rashović, i cili ishte po në atë mjet lundrues.

Sipas pasagjerëve të varkës që shpëtuan në këtë tragjedi, ata ishin për një vizitë në manastirin Vranjina ndërsa varkën e drejtonte një prift.

“Kur po ktheheshim në drejtim të bregut, valët e mëdha e përmbysën varkën e cila fillojtë mbytej. Filluam të shpëtonim kush si të mundej. Tragjedi e madhe,” tha Rashoviç për të përditshmen malaeze “Vijesti” duke shtuar se edhe ata mund të shpëtonin por nëna bëri përpjekje që të shpëtoj fëmijën, dhe u mbyt edhe ajo. Babai u mbyt në përpjekje për ti shpëtuar ata, e me ta edhe djaloshi i cili u erdhi në ndihmë. Ne të tjerët bëmë përpjekje që ti afrohemi bregut të lumit dhe disa ia arritëm,” tha Rashoviç.

Fatlum që shpëtuan në këtë tragjedi ishin familja tre anëtarësheh, Vanja, Radojica dhe Liljana Rashoviç, si dhe Prifti Neofit

Trupi i pajetë i fëmijës Jane Kumburoviç është gjetur ndërsa vazhdon kërkimi për personat tjerë që humbën jetën në Liqenin e Shkodrës. Depertamenti i Emergjencave Civile vazhdon kërkimin ndërsa ka akitivizuar edhe njësitin e helikopterëve, polumbarët e Qendrës Rajonale si dhe pjesëtarët e Shërbimit të kërkim-shpëtimit.