Tragjedia, Greqia shpall 3 ditë zi kombëtare/ Tsipras: Këto janë orë beteje, është koha për të mundur zjarret

Kryeministri Alexis Tsipras deklaroi sot shpalljen e 3 ditëve zi kombëtare në kujtim të viktimave që humbën jetën si pasojë e flakëve në periferi të Athinës.

Deri më tani raportohet për të paktën 60 viktima, por shifrat mund të rriten në orët në vazhdim.

Kryeministri grek shprehu respektin e tij të thellë dhe njohu përpjekjet e zjarrfikësve, marinës, vullnetarëve dhe të gjithë atyre që morën pjesë në operacionet e shpëtimit.

Kryeministri e bëri të qartë se “asgjë dhe askush nuk do të harrohet. Asgjë nuk do të mbetet pa përgjigje”.

“Greke dhe grekë,

Nuk ka fjalë për të përshkruar ndjenjat tona ne keto momente. Vendi po perjeton një tragjedi të padëgjuar më parë. Kemi humbur dhjetëra jetë njerëzish.

Dhe kjo është e padurueshme për të gjithë. Më shumë për familjet që humbën të dashurit e tyre. Por edhe për ata si ne që janë në pozita përgjegjësie. Për ata që kuptojnë se nuk ka asgjë më të vlefshme se jeta njerëzore.

Sot Greqia është duke mbajtur zi në nder te atyre që kane vdekur, e ne shpallim zi kombëtare për tre ditë.

Nuk duhet ta lejojme zinë te na mposhte, sepse këto orë janë orë beteje, bashkimi, guximi dhe mbi të gjitha solidariteti.

Sepse vetëm kështu, së bashku, mund të qëndrojmë kundër tragjedisë. Greqia po kalon një provë të madhe. Tani është koha e mobilizimit dhe luftës. Lufta për të shpëtuar atë që mund të shpëtohet. Lufta për të mundur zjarrin. Gara për të gjetur persona të zhdukur”, tha Tsipras në një mesazh drejtuar popullit grek.