Tragjedia në Bullgari, shuhet një familje shqiptare

Në mesin e viktimave në tragjedinë që ndodhi në Bullgari është dhe një familje shqiptare prej katër anëtarësh.

Fjala është për familjen e Avni Ahmetit, i lindur në vitin 1985 dhe bashkëshortja e tij, Xhihane Ahmeti e lindur në vitin 1986. Së bashku me ta kanë humbur jetën edhe dy fëmijët e tyre binjak, Alban Ahmeti dhe Luan Ahmeti të lindur në vitin 2017.

Ndryshe, në aksidentit tragjik i cili ndodhi në orët e para të mëngjesit në fshatin Bosnek të Bullgarisë, raportohet për të paktën 46 jetë humbura.

Ministria e Punëve të Jashtme të Maqedonisë së Veriut ka hapur linjë telefonike ku të gjithë qytetarët e shqetësuar, familjarët apo anëtarët e familjeve do të mund të drejtohen për këshillë shtesë: Nr. Tel – 075 273 732.