Tragjedia në Koçan, anulohet Samiti i liderëve të Ballkanit

Samiti i liderëve të Ballkanit Perëndimor dhe Bashkimit Evropian i planifikuar të mbahet më 19 dhe 20 mars në Shkup, është anuluar për shkak të tragjedisë në Koçan.

Nga burimet jozyrtare në Bruksel mësohet se takimi i liderëve të Ballkani Perëndimor ku ishte parashikuar të diskutohej me BE-në, Plani i rritjes dhe perspektiva e pagesave të para nga kjo pako financiare, do të mbahet në një moment të dytë.

Ndryshe, si pasojë e shpërthimit të zjarrit mëngjesin e së dielës në një klub nate në Koçan të Maqedonisë së Veriut humbën jetën 59 të rinjë dhe u lënduan 155 të tjerë, 20 prej të cilëve janë në rrezik për jetën.

Pas kësaj tragjedie u mor vendimi për shpalljen e 7 ditë zie në Maqedoninë e Veriut.