Trajneri meksikan: Gjermania është favorite, por ne do të luajmë

Trajneri i meksikanëve Juan Carlos Osorio ka folur në lidhje me ndeshjen e sotme ndaj Gjermanisë.Ai u shpreh është optimist për skuadrën e tij dhe beson te një rezultat pozitiv ndaj gjermanëve.

“Është një mundësi e mirë për futbollin meksikan që të tregojë veten ndaj kampionëve të botës.

Ata janë favoritët kryesorë për të fituar kupën në fund të kompeticionit”, tha trajneri, i cili më pas dha një detaj se si pret që skuadra e tij të përballojë lojën e “Pancerave”.

Gjermania është ndryshe nga ajo në Kupën e Konfederatave. Atëherë ata luajtën me tre mbrojtës, ndërsa tani do të luajnë me katër dhe kështu do të kenë më shumë kontroll të topit. Por skuadra ime ka lojtarë që mund ta marrin lojën nën kontroll dhe të mos u lënë shanse atyre të dominojnë.

Kros dhe Khedira janë lojtarët kryesorë që luajnë në skuadra të mëdha si Reali i Madridit dhe Juventusi. Në një ndeshje Botërori mund të ndodhë gjithçka, kemi shansin tonë të luajmë dhe të provojmë të fitojmë ndaj Gjermanisë. Të shohim si do të shkojë”, përfundoi trajneri meksikan.

Ai shpreson të arrijë fitoren e parë në historinë e vendit ndaj Gjermanisë.