Transformimi i FSK/ Ambasadori i SHBA: Sot, votimi historik!

Ambasadori amerikan në Kosovë, Philip Kosnett tha se votimi për transformimin e Forcës së Sigurisë së Kosovës është historik për Kosovën.

“Shtetet e Bashkuara do të mbështesin zhvillimin profesional dhe organizativ të FSK-së, që do të luajë një rol pozitiv për Kosovën dhe rajonin, duke reflektuar si karakterin multi-entik të shtetit, ashtu dhe dedikimin e popullit të Kosovës për paqe,” tha Kosnett.

Përveç tjerash, ambasadori amerikan tha se sot seanca në Parlament duhet të jetë rast për reflektim dhe dedikim për paqe, stabilitet dhe prosperitet për Kosovën dhe fqinjtë e saj, raporton RFE.

Kosnett ka përmendur dhe faktin se tani është “koha për të gjithë liderët dhe palët e përfshira që të fokusojnë energjinë në dialog”.

Sot, Parlamenti i Kosovës pritet të miratojë projektligjet për transformimin e Forcës së Sigurisë së Kosovës në ushtri.