Tre orë në Prokurori, Behgjet Pacolli: Aeoroporti do të bëhet! Këtu nuk ka të bëjë asgjë qeveria!
Aeoroporti do të bëhet, kështu u shpreh biznesmeni Behgjet Pacolli pas tre orëve që u mor në pyetje në Prokurorinë e Tiranë si person në dijeni, lidhur me akuzat që janë bërë nga kallëzuesi për aksionet e Aeroportit të Vlorës, ku zyrtarisht vetë Pacolli ka 98% të aksioneve!
“Unë isha këtu për të dhënë dëshmi për përgjigjen penale që ne kemi parashtruar dhe si person i informuar me duket se është e drejtë që të shkoi dhe të tregoj kronologjinë e çështjeve.
Pala tjetër ka bërë kallëzim, ne i jemi përgjigjur kallëzimit të tyre.
Isha këtu për kallëzimin që vëllai im ka bërë ndaj disa personave që ju e dini ndaj kujt, dhe un isha si person i informuar, për të plotësuar ose për të dhënë informata për këtë çështje,” tha Behgjet Pacolli ndërsa i pyetur në kishte takuar Edi Ramën për këtë çështje, ai tregoi një kujdes të veçantë për Kryeministrin Rama:
Këtu nuk ka të bëjë asgjë qeveria. Është e padrejtë të përmendet dikush nga qeveria. Nuk ka qeveria këtu asgjë.
Unë e kam lënë në duart e drejtësisë dhe unë besoj shumë në vendimet gjyqësore dhe do të veproj sipas vendimeve gjyqësore,” tha Behgjet Pacollit pas daljes nga Prokuroria e Tiranës ndërsa ende është e paqartë pronësia e Aeroportit të Vlorës por jo edhe ekzistenca e një kaosi në mes të aksionerëve lidhur me këtë pronësi!
Pas deklaratave publike lidhur me konfliktin mes biznesmenëve Behgjet Pacolli dhe Valon Ademit, Prokuroria ka nisur hetimet për kontratën koncesionare që financon projektin.
Behgjet Pacolli nuk foli asgjë për hetimet, por mbetet për tu sqaruar se me tërheqjen e aksionerit turk, Yda, me 47% të aksioneve të Aeroportit të Vlorës me vlerë 4200 euro, kush zotëron këto aksione, Valon Ademi si përfaqësues i kompanisë 2A Group i cili zyrtarisht ka 2%, apo Mabco e Behgjet Pacollit që me miratimin e Këshillit Ministrave, siç parashikon ligji, i ka blerë këto 47% të aksioneve.
