Tregjet botërore të trazuara, ngriten shqetësimet për recesion

Tregjet e aksioneve në Evropë pësuan rënie të enjten, pas një dite të trazuar në bursat amerikane dhe aziatike, të nxitura nga frika e investitorëve për një recesion botëror.

Rënia e shitjes në nivel botëror erdhi mes shqetësimeve për luftën tregtare të SHBA-së dhe Kinës dhe ekonominë botërore në përgjithësi, raporton RFE.

Të dhënat e dobëta nga Gjermania gjithashtu ndikuan te investitorët.

Si rezultat, tre tregjet kryesore të aksioneve në SHBA dhe gjithashtu stoqet evropiane shënuan rënie.

Sot në mëngjes, shumica e tregjeve evropiane u stabilizuan, por më pas sërish shënuan rënie. Tregtia u ul me rreth 0.4%.

Lëvizjet në tregjet botërore u interpretuan si një shenjë paralajmëruese për një recesion të mundshëm në ekonomitë e mëdha.

Historikisht, lëvizjet e tilla kanë qenë një tregues i besueshëm i recesioneve të mundshme.