Tregtarët në protestë/ Korçë, bllokohet Unaza e qytetit

Tregtarët në Korçë sërisht protestojnë për prodhimet të cilat nuk mund t’i tregtojnë. Mëngjesin e sotëm ata në shenjë proteste kanë bllokuar Unazën e qytetit duke hedhur prodhimet bujqësore në rrugë.

“Kemi 20 vite që punojmë, sot na është bllokuar hyrja nga bashkia. Ne duam te drejten tone, duam te shesim, nuk kemi te ardhura te tjera”- thonë tregtarët.

Bashkia nuk i sqaron dhe u ka mbyllur derën në kulmin e prodhimit ndërkohë që tregtarët e markatës të mbledhur para bashkisë sqarojnë kërkesa e tyre:

“Nuk është kërkesa jonë për të mbyllur tregun e shumicës. Tregun e mbylli bashkia, se ju kërkon të pajisen me NIPT tregtari”.