Treni përplaset me makinën, dy të vdekur

Dy persona kanë mbetur të vdekur dhe dy fëmijë janë plagosur kur një tren i transportit të mallërave është përplasur me një makinë në vendkalimin Zminjak afër Shabacit në Serbi.

Fatkeqësia e rëndë ka ndodhur rreth orës 10:55, në aksin hekurudhor Ruma-Brasina, kur treni i transportit të mallërave i linjës Serbi-Bosnje Hercegovinë u përplas me makinën, në vendkalimin ku ka sinjalistikë por mungon trau.

Mesohet se në makinë ishte çifti bashkëshortor që humbi jetën dhe dy fëmijët e tyre që u palgosën por tashmë nuk janë në rrezik për jetën.  

Policia doli menjëherë në vendgjarje dhe nga hetimet rezultoi se drejtuesi i trenit i Infrastrukturës së Hekurudhës Serbisë kishte përdorur burinë paralajmëruese ashtu si dhe frenat kur konstatoi një makinë në shina që ishte duke kaluar, por makina përkundër paralajmërimit nuk arriti të kaloi.