Tri tërmete të fuqishme kanë tronditur sot Greqinë ku më i fuqishmi prej të cilëve ishte rreth orës 16:00 me magnitudë 6.6 të shkallës Rihter dhe epiqendër në deti ndërkohë lëkundjet vazhdojnë.
Qendra Sizmologjike Mesdhetare, EMSC, raporton se tërmeti i parë me magnitudë 6.6 të shkallës Rihter dhe thellësi 10 km u regjistrua në orën 15:51, 55 km nga ishulli Kreta dhe 98 km nga qyteti Ierapetra dhe 461 km nga Athina.
![](https://i0.wp.com/www.pafrike.al/wp-content/uploads/2020/05/6.6.jpg?resize=720%2C732&ssl=1)
Pasuan disa pasgoditje por në orën 16:33 sërish u regjistrua një tërmet i fuqishëm, raporton EMSC, me magnitudë 5.4 të shkallës Rihter dhe thellësi 15 km dhe 105 km nga qyteti Ierapetra dhe 466 km nga Athina.
Disa pasgoditje u regjistruan në det por ai i orës 19:44, raporton EMSC, ishte me magnitudë 5.3 të shkallës Rihter dhe thellësi 10 km, 113 km nga qyteti Ierapetra dhe 471 km nga Athina.
![](https://i0.wp.com/www.pafrike.al/wp-content/uploads/2020/05/EMSC.jpg?resize=720%2C729&ssl=1)
Instituti Gjeodinamik i Athinës ka raportuar se tërmetet ka goditur qytetin jugor Ierapetra ndërsa Mbrojtje Civila për momentin nuk raporton për viktima.