Tronditet Elbasani, vritet në mes të qytetit avokati i Shullazit

Një ngjarje e rëndë ka tronditur mbrëmjen e sotme qytetin e Elbasanit, pas një atentati me armë zjarri, ku mbeti i vrar një person.

Mësohet se viktimë ka mbetur shtetasi Ravik Gurra, i cili ishte avokati i Emiliano Shullazit, si dhe mik me familjen Çapja.

Ngjarja ka ndodhur në një lokal në qendër të qytetit, ndërsa autori nuk është identifikuar ende.

Dëshmitarë nga vendngjarja kanë thënë për “Panorama” se çdo gjë ka ndodhur shumë shpejt dhe se nuk kanë kuptuar asgjë, por janë vënë në panik vetëm kur e kanë parë trupin e shtrirë.

Gurra ka qenë duke pirë kafe në lokal, me një zyrtar të Avokatit të Popullit, ndërsa autori i maskuar i është afruar dhe e ka qëlluar disa herë me pistoletë me silenciator. Më pas ai është larguar me një automjet i cili e priste në afërsi të lokalit.

Dyshohet se mjeti është djegur pak metra larg vendit të ngjarjes, ndërsa policia ka ngritur pika të shumta kontrolli për të bërë të mundur kapjen e autorit/ve.

Po ashtu policia ka njoftuar se një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes.