Trump është zemërgjerë, shefi i diplomacisë britanike: Më ofroi racionin e dytë me mish pule!

Ministri britanik i Punëve të Jashtme shprehu bindjen se do të mund të gjejë gjuhën e përbashkët me presidentin e sapozgjedhur amerikan. “Kjo është çështje e vjetër,” tha David Lammy kur u pyet për deklaratën nga viti 2018, kur Donald Trumpin e quajti neonazist.

Lammy tha se para pak kohësh ishte në një drekë me Trumpin dhe ky ishte mikrpitës shumë i dashur.

“Më ofroi racionin e dytë me mish pule. Ishte shumë zemërgjerë, shumë i dashur, dhe bënte shumë përpjekje që të ndjehemi të relaksuar në shoqëri me të,” tha shefi i diplomacisë britanike.

“Ishte argëtues. Ai ishte i përzemërt me Mbretërinë e Bashkuar, shumë i përzemërt me familjen mbretërore. Më duhet t’ju them se ai e do Skocinë,” shtoi ai.

“Sociopati që urrenë gratë”

Në vitin 2018 David Lammy deklaroi: “Trump nuk është vetëm sociopat që urrenë gratë dhe simpatizon neonazistët. Ai është gjithashtu kërcënim i madh për rendin ndërkombëtar i cili për shumë kohë ishte themel i përparimit perëndimor.”

David Lammy në atë kohë ishte deputet në opozitë, por tani do ti duhet që si shef i dplomacisë të bashkëpunoj ngushtë me Trumpin. 

Duke folur për pasojat e delaratave të tij më të hershme, Lammy tha:

“Nuk mund të jeni politikanë i nivelit të lartë në vendin tonë nëse nuk gjeni gjuhë të përbashkët. Jam shumë i njohur në Westminster. Jam dakord me njerëzit. Thjeshtë,” tha David Lammy sot Ministër i Punëve të Jashtme të Mbretërisë së Bashkuar duke përfunduar:

“Ajo që thua si deputet dhe ajo që bën në cilësinë e zyrtarit të vërtetë të shërbimit publik janë dy gjëra të ndryshme. Dhe unë jam ministër i Jashtëm. Ka gjëra që i di tani, që nuk i dija atëherë.”