Trump: Sikur Putin nuk do ishte bllokuar në baltë me tanke, për pesë orë do ishte në Kiev
Presidenti i Rusisë, Vladimir Putin, po kërkon një marrëveshje.
Kështu u shpreh Presidenti i Shteteve të Bashkuara, Donald Trump, në një intervistë për Fox News, ndërkohë i pyetur nëse e konsideronte Putinin pengesën kryesore për paqen, Trump e zhvendosi fokusin te Presidenti ukrainas Volodymyr Zelenskyy.
“Shikoni, pata një takim vërtet të vështirë me Zelenskyyn sepse nuk më pëlqeu ajo që tha dhe ai nuk m’i bëri gjërat të lehta. Dhe gjithmonë kam thënë se nuk ka biletë. Dhe nuk ka,” tha Donald Trump ndërsa gazetari i kujtoi Presidentit Trump se kishte postuar një apel drejtuar Putinit në rrjetin e tij social Truth “Vladimir STOP”, Presidenti amerikan tha se Putin dëshiron bisedime dhe është i lodhur nga lufta.
Trump says Putin is tired of the war because it has made him look bad to the world and he wants to look good to the world, and he would have conquered all of Ukraine in the first 5 hours of the invasion but his tanks got stuck in the mud. pic.twitter.com/Ocxl5DnbBf
— Ron Filipkowski (@RonFilipkowski) May 17, 2025
“Ai nuk duket mirë. Dhe do që të duket mirë. Mos harroni, kjo duhej të mbaronte brenda një jave. Dhe nëse nuk do të ishte bllokuar në baltë me tanket e tij, do të kishte qenë në Kiev brenda rreth pesë orësh,” tha Trump duke përsërit se vetëm ai personalisht mund ta përfundonte luftën.
“Gjithmonë kam menduar se nuk mund të ketë takim pa mua, sepse në këtë mënyrë nuk do të kishte marrëveshje. Ka shumë urrejtje nga të dyja palët. Kam një marrëdhënie shumë të mirë me Putinin, mendoj se do të arrijmë një marrëveshje,” tha Presidenti i SHBA, Donald Trump, duke përsëriti se nëse përpjekjet diplomatike dështojnë, ai është i gatshëm të përdorë presion ekonomik ndaj Rusisë.
