Tsipras: Marrëveshja e Prespës, çmimi i të gjitha çmimeve
Me Marrëveshjen e Prespës kontribuojmë për bashkëjetesë të qetë, solidaritet, bashkëpunim, miqësi dhe paqe në mes të dy popujve, por edhe në gjithë rajonin, dhe ky është çmimi më i madh, tha kryeministri i Greqisë, Alexis Tsipras duke komentuar nominimin për Çmimin Nobel për Paqe të atij dhe kryeministrit të Maqedonisë, Zoran Zaev, raporton Agjencia maqedonase e lajmeve, MIA.
“I kam shkruar Zaevit, se për mua e besoj edhe për kryeministrin e Maqedonisë Veriore, më i rëndësishëm është çmimi i t ëgjitha çmimeve, që përmes kësaj Marrëveshje të kontribuojmë në vendosjen e bashkëjetesës së qetë, solidaritetit, bashkëpunimit, miqësisë dhe paqes në gjithë rajonin, por edhe në mes të popujve tanë dhe që ky çmim nuk mund të krahasohet me asnjë çmim tjetër,” tha Tsipras duke shtuar se kur dy forca progresive dhe dy qeveri progresive marrin përgjegjësitë, atëherë dëshmojnë se mund ti zgjidhin së bashku problemet për të ardhmen më të mirë të popujve të rajonit, në veçanti në Ballkan ku perceptimi kryesor nuk ishte kompromisi dhe konsensusi, por urrejtja etnike dhe konflikti.
“Kur them ne, nuk mendoj në individ, por në forcat politike si në Greqi ashtu edhe Maqedoninë Veriore, që janë bashkuar në përpjekjet e tyre që të konfliktohen me retorikën dominuese të nacionalizmit, kuazi-patriotizmit, impresionizmit, emocioneve, në mënyrë që të gjendet zgjidhja për perspektivën e popujve dhe së ardhmes. Në praktikë po dëshmojmë se kur ka forca progresive dhe qeveri progresive që kanë guximin dhe nuk shqetësohen për skenën politike për mbrojtjen e vlerave, atëherë e gjitha historia e Ballkanit mund të margjinalizohet dhe të rishkruhet historia që ka të bëjë me të kaluarën, por që i kushtohet të tashmes dhe të ardhmes së popujve,” tha kryeministrit i Greqisë, Alexis Tsipras.
