Turi jugut, Berisha: Gjendje që nuk e ka katandisur asnjë pushtues! Edi Rama përbën një rrezik

Duke e konsideruar turin elektoral në jug si më të sukseshmin që ai ka patur ndonjëherë, Kryetari i PD, Sali Berisha, konsttaon se Edi Rama ka aktivizuar shantazhin dhe kërcënimet ndaj zgjedhësve ndërsa shprehu edhe bindjen se kandidatët e koalicionit “Bashkë Fitojmë” do të dalin fitues në zgjedhjet e 14 majit.

“Jugun e gjeta në një gjendje që nuk e ka katandisur asnjë pushtues. Zhdukur institucionet nga qendrat administrative institucionale. Një situatë dramatike, por një vendosmëri e madhe për një kthesë historike. Një vetëdije e plotë se Edi Rama përbën një rrezik. Regjimi i tij është shkatërrimtar për Shqipërinë dhe jugun,” tha Kryetari i Partisë Demokratike, Sali Berisha, duke përfunduar:

“Por, kudo konstatova se atë në fakt e konsideronin gjithashtu të përfunduar me aferën McGonigal. Banorët kudo ishin të sigurt se shumë shpejt e pret fati i McGonigalit dhe nuk kishin ndërmend të besonin mashtrimet e tij.”

Deklaratë:

Përshendetje!

Mbrëmë mbylla turin në të gjitha bashkitë e jugut, dhe mund t’u them se ai ishte turi më i suksesshëm që unë kam patur ndonjëherë në jugut e vendit. Qytetarët, në qytetet Tepelenë, Memaliaj, Këlcyrë, Përmet, Sarandë, Konispol, Delvinë, Libohovë, Dropull me një padurim, kthjelltësi dhe venosmëri po presin 14 majin për të firmosur ndryshimin. Për të firmosur shpëtimin e bashkive të tyre dhe të Shqipërisë nga kthetrat e zeza të mafies qeveritare dhe nënqeveritare.

Kudo që shkova gjeta qytetarë të revoltuar. Gjeta qytetarë të cilët nuk përmbanin ndjenjat, deri në urrejtje ndaj qeverisë dhe shtetit të mafies. Kudo që shkova gjeta reagime të fuqishme ndaj plaçkitjes së pasurivë publike të banorëve të këtyre bashkive.

Një kontrast i madh ekzistonte, dhe kishte elektrizuar klimën elektorale. Kontrasti midis kandidatëve të Primareve, të votës së lirë dhe dinjitetit, dhe kandidatët e mafies, e bodrumeve të Edi Ramës, për të cilët në mënyrë absolute, asnjë socialist i vetëm, asnjë qytetar i paparti nuk ishte pyetur.

Skandalet e kandidatëve të emëruar nga Edi Rama, aferat e tyre të zeza nxinin në Tepelenë, Memaliaj, Përmet, Sarandë, Delvinë, Konispol, Dropull, Libohovë. Misioni i ri i tyre ishte i qartë, plaçkitja e pasurive publike. Në Sarandë, mafia e Durrësit, e cila po humbet Durrësit, falë fitores së Igli Carës, është vërsulur të pushtojë Sarandën me të dërguarin personal të famëziut, Alket Hyseni.

A mund të imagjinoni ju, ka marrë përsipër të zhvarrosë të vdekurit në Sarandë për të ndërtuar pallate qeveritarët. Zhvarrosja e të vdekurve, mision kryesor i mafiozit të Alket Hysenit, i cili ka përballë Ardit Cikulin, një qytetar shembullor, serioz, të përkushtuar, ndaj të cilit nuk rëndon asnjë aferë, përkundrazi vitryti, përkushtimi, aftësia. Ardit Cikuli, kishte fituar zemrën dhe mendjen e qytetarëve të Sarandës, të cilët, përfaqësues të Alket Hysenit dhe mafies së Durrësit nuk e kishin dëgjuar dhe parë kurrë.

Ai shkonte si një hije natën në Durrës. I tillë ishte përfaqësuesi i Konispolit. Detyrë kryesore, të mbronte pronat e grabitura, sipas kryetarit të ardhshëm të Bashkisë së Konispolit nga ministra me emra të tjerë, akuzohej direkt ministri i familjes, dhe aty ku është ministri i familjes është dhe vetë Edi Rama, për dhjetëra e dhjetëra hektarë me emër tjetër. Do t’i bllokohen! U zotua solemnisht kryetari i bashkisë së Konispolit, z.Fatmir Shero, se ajo nuk mund të ndodhë, do anulohet.

Në Delvinë, kush ishte në Delvinë thoni ju? Ilir Mehmeti, kandidati i fitores. Kandidati i ‘Bashkë Fitojmë’. Një qytetar i shkëlqyer, i përkshtuar. Një njeri që ka dëshmuar të gjithë talentin në qeverisjen vendore të Delvinës. Karshi tij, qendronte njeriu që e kishte të vëllanë të dënuar për ngarkesa të mëdha kokaine në Itali, kushëriri i famëziut, Ardi Veliut.

Unë ua thashë edhe në Delvinë, ai vërtetë është i dënuar për kokainë, por dosjet e ArdiVelliut, janë mbi 10 herë më kriminale dhe më të rënda. Në jug, kanë vendosur darën e mafies që ta shtrëngojnë edhe më shumë. Por Delvina do të thotë fjalën e saj. E gjeta më të zjarrtë e më të vendosur se kurrë për t’u dhënë atë që meritojnë.

Në Tepelenë, Tërmeti, që po t’ia përkthesh emrin në gjuhë shqipe do të thotë, ‘tmerr’. Tërmeti, i cili për disa vepra, vendin e ka në qeli. Përballë Tërmetit, një nga inxhinierët më të shquar të Tepelenës, i ardhur nga Kandaja, për të derdhur të gjitha aftësitë e tij, dashurinë dhe përkushtimin për Tepelenën. Në Tepelenë dhe kudo në jug, koha ka ndaluar. Investimet, zero.

Kanë përfunduar rrugën e cila ka patur trasenë nga Memaliaj në Tepelenë, e ka patur të hapur plotësisht, dhe ua shitën si bypass-i i Tepelenës. Çfarë bypass-i, është rruga që ka qenë. Një neveri!

Ujësjellësi, aty ku e kam lënë. Ujësjellësi sjell ujë 24 orë për Tepelenën. Po tepelanist janë pa ujë, se nuk është bërë asnjë investim në rrjetin e brendshëm. Jugu po shkretohej me një shpejtësi të madhe.

Memaliaj, qytetari duhet të merrte leje te polici për teë hyrë te ish-kryetari, se nuk është më kryetar ai. Icili nuk mendonte gjë tjetër, vetëm si të ndante paratë e tenderave. Karshi tij, qendron një kandidat një njeri i jashtëzakonshëm, i ka shërbyer vendit me dinjitet të madh në Afganistan në zonat më të rrezikshme. Njeri popullor, me aftësi të mëdha.

Në Këlcyrë, kandidati i Ymer Bazes, se thashë edhe njëherë, mafia qeveritare dhe subqeveritare, dinë vetëm të vjedhin. Shkoni shikoni tubat e ujësjellësit, 3 milionë euro taksa të shqiptarëve. Ato çahen njëri pas tjetrit se janë tuba të vjetëruara, të përdorura dekada. Edhe ai me mision. Po cili është misioni?

Fshatarëve të Mezhgoranit t’u marrin ujin, dhe të ndërtohet aty një fabrikë uji për Ymer Bazen. Dhe unë i them këtu Edi Ramës: Ymer Baze le të të lëpihet ty nga mëngjesi deri në darkë, le të të thurë lavde, vjersha e pozi, ç’të dojë. Po ujin e Mezhgoranit nuk do ta marrë kurrë. Se më thanë që kanë filluar të shpërndajnë dhe ryshfete.

Po çfarë do të thotë t’i marrësh ujin Mezhgoranit?

Do të thotë që do largohet çdo banor nga ai fshat, do të thotë të krijosh kushte të kalkulueshme për shpopullim, për të pasuruar Ymerin. Ymerit shpërbleja në mënyra të tjera, por ujin mos e prek, ujin e Mezhgoranit. Se është krim! Arjan Kasaj është kandidati që do mbrojë interesat e çdo banori të Këlcyrës.

Edmond Komino, një kandidat i shkëlqyer për Përmetin, një demokrat që ka shkrirë të gjithë aftësitë e tij për qytetin. Gjatë qeverisjes së PD, Përmeti ndryshoi më shumë se në të gjithë kohërat tjera. Edhe kandidati i Përmetit, në funksion të interesave të mafies sub-qeveritare. Dhe sub-qeveritare quhet mafia që vjen direkt fill pas qeverisë dhe interesave të saj. Kam bindjen se Edmond Komino do të mbrojë interesat e qytetarëve të Përmetit.

Në Dropull, një biznesmen i shkëlqyer, një bir i shquar i minoritetit grek, me investime serioze në Athinë, është rikthyer, dhe ka fituar në Primare dhe tani garon për kryetar bashkie. Një njeri me kredenciale të larta, i respektuar nga i gjithë spektri politik, përveç Rilindjes. Se çfarë konstatova në jug?

Në jug konstatova se socialistët urrenin masivisht Rilindjen, si një sekt hajnie. Edhe z.Maneka, njeri me projekte serioze për bashkinë e Dropullit dhe Pogonit. Konstatova se Edi Rama kishte filluar terrorin, angazhuar policinë bashkiake për të terrorizuar qytetarët. Por, nga ana tjetër, e sigurt është se kandidatët e Primarëve do jenë kandidatët e fitores.

Libohova, ju e patë vetë, një pritje e zjarrtë, një revoltë e thellë. Se çfarë kishte bërë Edi Rama me ndrikull-Sherrin. Kishin hequr kandidatin e tyre dhe kishin vënë kushëririn e parë të kandidatit të Primareve. Konstatova se në Libohovë, deputetes Kumbaro nuk i thërriste kush më Kumbaro. Asaj i thërrisnin Mirela Sherri. Sepse e kishte bërë vetëm me qëllimin që të fuste sherr në familje. Natyrisht, e dështuar ajo për të futur sherr në familje. E dështuar përpjekja për të grabitur Libohovën nëpërmjet sherrit familjar.

Fatkeqësi, se kësaj deputeteje i del emri në shumë afera, jo vetëm në ministri me tendera, të cilat përbëjnë secili vepra të rënda penale për vjedhjet. Por mos harroni se Elira Kokona, Sekretare e Përgjithshme e saj për vite të tëra, mbronte si avokate, paditësit e shtetit, dhe ndante paratë në atë kohë me Mirela Sherrin, dhe pastaj me Edi Ramën dhe Engjëll Agaçin.

Adil Xhelili, kandidati ynë, kishte një simpati të madhe në banorët e Libohovës, kishte një projekt të vërtetë për ndryshimin e Libohovës, kishte një projekt të vërtet për ndryshimin e Libohovës.

Nga ana tjetër, jugun e gjeta në një gjendje që nuk e ka katandisur asnjë pushtues. Zhdukur institucionet nga qendrat administrative institucionale. Kanë përfunduar në qendr atë zhveshura nga institucionet për një dhimbje veshi nga Gjirokastra në Sarandë. Nuk kishte otojatër Gjirokastra. Për një apendesit, erdhi tjetri nga Gjirokastra në Tiranë për t’u operuar. Shkatërruar infrastruktura e institucioneve. Universiteti, pothuaj pa studentë.

Pra, një situatë dramatike, por një vendosmëri e madhe për një kthesë historike. Një vetëdije e plotë se Edi Rama përbën një rrezik. Regjimi i tij është shkatërrimtar për Shqipërinë dhe jugun.

Por, kudo konstatova se atë në fakt e konsideronin gjithashtu të përfunduar me aferën McGonigal. Banorët kudo ishin të sigurt se shumë shpejt e pret fati i McGonigalit dhe nuk kishin ndërmend të besonin mashtrimet e tij.

Faleminderit shumë!