Turizmi i Edi Ramës, receta tradicionale me produkte të importuara

Të huajt kanë vijuar të shfaqin interes për Shqipërinë turistike me një tendencë edhe më të theksuar në prill. Të dhënat e strukturave akomoduese të publikuara nga INSTAT tregojnë se numri i vizitorëve gjithsej është rritur me 62,0%, në krahasim me Prill 2023. Netqëndrimet në hotele u rritën në prill më shumë se 74.5 për qind.

“Të njëjtën ecuri ndjekin edhe dy treguesit e mëposhtëm: numri i vizitorëve rezident është rritur me 19,4%;  numri i vizitorëve jo-rezident është rritur me 91,9%” thuhet në publikim.

Ndërkohë numri i net qëndrimeve gjithsej është rritur me 56,3%, në krahasim me Prill 2023. Të njëjtën ecuri ndjekin edhe dy treguesit e mëposhtëm: numri i net qëndrimeve nga rezident është rritur me 17,9%, numri i net qëndrimeve nga jo-rezident është rritur me 80,3%.

Vizitorë

“Gjatë muajit Prill 2024, është shënuar rritje e numrit të vizitorëve gjithsej me 62,0%, krahasuar me Prill 2023. Numri i vizitorëve jo-rezident të cilët janë akomoduar në Rajonin Qendër ka shënuar rritje me 2.1 herë. Në Zonat Jo-bregdetare ky tregues është rritur me 85,4%, krahasuar me të njëjtën periudhë të vitit të mëparshëm. Numri i vizitorëve jo-rezident në “Hotele dhe akomodime të ngjashme” ka shënuar rritje me 85.6%” thuhet në publikimin e INSTAT.

Por cilët janë rajonet që kanë pasur numër më të lartë vizitorësh? Sipas të dhënave të prillit rajoni qendër ka pasur 63.3 për qind të tyre. Nëse llogarisim afërsinë me bregdetin në zonat jo-bregdetare kjo pjesë mbajti 59 për qind të tyre. Sipas llojit të strukturës akomoduese ku kanë qëndruar  në “Hotele dhe akomodime të ngjashme”  ishin 92,6%.

Net qëndrime

“Gjatë muajit Prill 2024. numri i net qëndrimeve gjithsej është rritur me 56,3%, në krahasim me muajin Prill 2023. Numri i net qëndrimeve të vizitorëve jo-rezident të cilët janë akomoduar në Rajonin Qendër ka shënuar rritje me 86,8%. Në Zonat Jo-bregdetare ky tregues është rritur me 77,5%, krahasuar me të njëjtën periudhë të vitit të mëparshëm. Numri i net qëndrimeve të vizitorëve jo-rezident të cilët janë akomoduar në “Hotele dhe akomodime të ngjashme” ka shënuar rritje me 74,5%” thuhet në publikim

I njëjti vlerëson se në muajin Prill 2024. Numri më i lartë i net qëndrimeve është realizuar:  sipas rajoneve në “Rajonin Qendër“ (65,3%);  sipas zonave të afërsisë me bregdetin në “Zonat Jo-bregdetare” (59,3%); sipas llojit të strukturave akomoduese në “Hotele dhe akomodime të ngjashme” (91,9%).

Norma neto e shfrytëzimit

“Normat neto të shfrytëzimit. të dhomave dhe të shtretërve, janë dy tregues të cilët masin përqindjen e shfrytëzimit të kapaciteteve akomoduese, dhoma e shtretër të disponueshëm për vizitorë. Gjatë këtij muaji, norma e shfrytëzimit të dhomave të “Hoteleve dhe akomodimeve të ngjashme” është 22,1%, kundrejt 13,5% që ishte në muajin Prill 2023. Norma e shfrytëzimit të shtretërve të “Hoteleve dhe akomodimeve të ngjashme” është 24,5%, kundrejt 16,8% që ishte në muajin Prill 2023” vlerëson INSTAT.

Turizmi nuk po ndikon pozitivisht në prodhimin vendas

Importet në sasi u rritën me 15.5 për qind në 5 mujorin e parë të vitit, ky ishte niveli më e lartë në 6 vitet e fundit sugjerojë të dhënat zyrtare.

Të dhëna me të detajuara sugjerojnë se importet po rriten nga zhvillimet në turizëm dhe nga reduktimi i prodhimit vendas.

Sasitë e ushqimeve të importuara u rriten me 20.5 % në 5-mujor rritja e tyre vijoi edhe në maj pavarësisht se me ritme më të zbutura se në 4-mujorin e parë. Zhvillimet në tregtinë e jashtme po tregojnë se sektori i turizmit nuk po ndikon pozitivisht në prodhimin vendas, pasi një pjesë e mirë e vlerave monetare po ikën sërish jashtë vendit për importin e lëndës së parë.

Turizmi është në shans i mirë për bujqësinë nëse konsumi i tij lidhet me prodhimin vendas.

Drejtuesit e njësive të agro-turizmit në vend vënë në dukje se oferta ushqimore ndaj turistëve duhet të jetë me prodhim vendas, pasi edhe kërkesa e tyre është e tillë. Turistët ndër të tjera kërkojnë receta tradicionale të bazuara në prodhim vendas. Por është e qartë se me zhvillimet aktuale në bujqësi, prodhimet tona nuk arrijnë të përmbushin kërkesën e turistëve, duke bërë që këta të fundit të bëhen shkak për rritjen e importeve.

Gjatë vitit të kaluar teksa importet e ushqimeve në sasi u rriten me 10 % eksportet qëndruan në vendnumëro, nga rritjet dyshifrore përgjatë dekadës.

Për shkak të humbjeve që po vijnë nga nënçmimi i euros dhe rritja e kostove të prodhimit shumë biznese më profil prodhimi janë duke kaluar në import. Pavarësisht se efekti në ekonominë e vendit nuk është pozitiv për kompanitë, importi është më i lehtë se prodhimi. E njëjta xhiro realizohet e shumë pak punonjës dhe me kosto shumë të ulëta. Xhiroja e një prodhuesi me 100 punonjës realizohet nga importues me jo më shumë se 10-15 punonjës.

Shqipërisë ju deshën gati dy dekada për të konsoliduar markën “Made in Albania”, e cila po shkatërrohet shumë më shpejt se sa u ngrit.

Në janar-maj 2024 edhe grupet e tjera që kishin lidhje me sektorin e turizmit kanë pësuar rritje të mëdha. Prodhimet e kashtës dhe ato me kallam që kryesisht përdoren nga njësitë akomoduese në bregdet pësuan rritje vjetore me mbi 150% në 5 -mujor gjithashtu anijet dhe varkat lundruese u rriten ne 100 % në sasi.

Gjithashtu furnitura që ka për qëllim hotelerinë, mobile, krevate dyshekë etj u rriten me rreth 40%./Monitor/