Turp i madh, i hajdutëve pa fre!

nga Orjola Pampuri

Hajdutëria, i ka ç’orientuar edhe logjikën.

Sipas marionetave të kryemashtruesve, “Tirana nuk ka ujë se qytetarët lahen çdo ditë”, kjo e thënë nga Zv.ministri i infrastrukturës Artan Shkreli. E turpshme.

Tani përveçse të diktojnë e vjedhin votën, diktojnë humorin, informacionin, kanë marrë fuqi të diktojnë dhe higjienën.

E paprecedentë, si mundet një anëtar i kabinetit qeveritar, të shprehet në të tillë mënyrë, të tallet me qytetarët që përfaqëson? Në cilin vend të botës figura e një qytetari denigrohet kështu?

Por mashtrimi dhe vjedhjet ju kanë errësuar mendjen dhe sytë, dhe i vetmi moment kur do të kthjelloheni do të jetë largimi në mënyrë demonstrative i të gjithë sojit tuaj të pështirë.

Tirana nuk ka ujë sepse miliona euro të taksapaguesve, vidhen e shpërdorohen, sepse paratë e qytetarëve të Tiranës edhe pse e paguajnë më shtrenjtë se çdo qytetar tjetër i këtij vendi, përsëri paratë shkojnë në xhepat e atyre që drejtojnë Bashkinë e Tiranës.

Erion Veliaj, në vend që të përdorë paratë për të mirëmbajtur rrjetin, për të kryer shërbimet e duhura e për të siguruar ujë brenda parametrave të domosdoshëm, u ofron atyre të kundërtën, ujë të ndotur në rubineta apo mungesa të pajustifikuara të ujit në shtëpitë e qytetarëve dhe në biznese.

Ajo që ai shet e propagandon është e kundërta e realitetit për qytetarët e Tiranës, të cilët po përjetojnë kaos si pasojë e mungesës së ujit në rubinetat e shtëpive apo bizneseve. Pafytyrësia e marionetave të tij, tejkalon çdo masë duke i treguar qytetarëve të Tiranës se sa herë duhet lahen.

Një turp i madh, i hajdutëve pa fre. Fakti që po i vjedhin çdo ditë, po i mashtrojnë çdo ditë, po i përzënë nga vendi i tyre, sot edhe tallen me ta. Qytetarët e këtij vendi, qytetarët e Tiranës meritojnë respekt, si qytetarë të rregullt e të ndershëm, pasi jetojnë me mundin e tyre, ndërsa ti bashkë me Erion Veliajn që fut dorën çdo ditë në xhepin e tyre, meritoni të largoheni nga aty ku qëndroni padrejtësisht.