TURP! Opozita dhe RTK bojkotojnë ish-kryeministrin britanik Tony Blair

U quajt seancë solemne e Parlamentit te Kosoves, pasi që deputetëve kosovarë në 25 vjetorin e çlirimit iu drejtua njëri ndër më meritorët për këtë çlirim, Ish-Kryeministri i Britanisë Madhe në kohën e luftës së Kosovës, Tony Blair, por fatkeqësisht doli një seancë turpi ku kontribut të çmuar dhanë deputetët e opozitës dhe Televizioni publik i Kosovës, RTK, dhe bojkotin e ish-kryeministrit britanik!

Pse deputetët e opozitës?! Nuk dihet nëse arsye është niveli i analfabetizmit apo prania e Kryeministri Edi Rama në Prishtinë, por, mosprezenca e deputetëve të Kosovës në momentin kur po fliste Ish-Kryeministri i Britanisë së Madhe, Tony Blair, njeriu pa të cilin Serbia nuk do të bombardohej, Kosova nuk do ta shijonte lirinë dhe këta imbecil që sot ulen në Parlamentin e Kosovës, kurrë nuk do të bëheshin deputet!

Dhe jo vetëm kaq!

Edhe RTK iu bashkua këtij bojkoti të turpshëm, duke mos përkthyer fjalën e ish-kryeministrit pa të cilin RTK nuk do të ekzistonte, e nuk dihet nëse nën thundrën serbe si RTP dikush do të merrte guximin të bëjë përdhosjen e një lideri me përmasa të tilla botërore, përveç se do të urdhëronte partia!

Ky është epilogu i një vendi ku shkel Edi Rama, dhe morrat e kuq si Lumir Abdixhiku pasuar sot dhe nga Vjosa Osmani, dinë se kur kanë filluar bombardimet kundër Serbisë por kanë harruar se çfarë shkruante në prag të këtyre bombardimeve Rama dhe celula komuniste “Koha Jonë”, dhe, pse ishin kundër bombardimit të Serbisë!

Ndryshe, ish-kryeministri britanik Tony Blair e nisi fjalimin e tij nga takimi me refugjatët kosovarë në Shkup deri te çlirimi dhe ditët e sotme.

“Nga takimi me refugjatët kosovarë në kampet e përqendrimit afër Shkupit, kam dëgjuar rrëfime zemërthyese të zhvendosjes, kam parë fytyrat e dëshpëruara nga ferri duke kërkuar në fytyrën time një sens mundësie që t’i ndihmoja. Ne kemi mundur t’i ndihmojmë dhe nuk u pendova kurrë për këtë,” tha Blair duke folë për ditët e para të lirisë:

“Kosova më në fund ishte e lirë, njerëzit e saj kishin mundësi të jetojnë sërish, të shpresojnë sërish në një të ardhme të lirë nga presioni dhe padrejtësia.”

Me këtë rast ish-kryeministri britanik tha se çlirimi i Kosovës është bërë për të gjithë që besojnë në fuqinë e lirisë dhe drejtësisë.

“Për mua lufta për Kosovën nuk ishte vetëm për kosovarët, por për të gjithë, duke përfshirë edhe vendin tim që ka besuar se liria dhe drejtësia janë gjërat për të cilat qëndrojmë, dhe më e rëndësishmja luftojmë për to,” tha ai duke folur për të ardhmen ndryshe:

“Të rinjtë të cilët kanë lindur pas 10 qershorit ’99, e që disa nga ta e mbajnë emrin tim dhe krenohem teksa e them, për ta ka ende gjëra që duhet të bëjmë, t’i ofrojmë mundësitë të cilat i meritojnë. Këta të rinj do të përcaktojnë të ardhmen e Kosovës. E di nga shoqëria ime, se këta të rinj janë një grup i talentuar, me ambicie dhe kapacitet.

Fuqia juaj ka simbolizuar vullnetin tuaj për një të ardhme ndryshe. Kjo e ardhme ende po merr formë. Ajo është për një shtet të fuqishëm, të pavarur dhe sovran, në mënyrë që Kosova të merr pjesë në zemrën e Bashkimit Evropian me të drejtë të plotë të anëtarësimit.”

Dhe, deri sa opozita nuk çanë më kokën, ishte Tony Blair që iu kujtoi këtyre analfabetëve funskional se ndërtimin e së ardhmes së Kosovës ia kemi borxhi atyre që dhanë jetën për çlirimin e vendit.

“Ne i dhamë fund ankthit të atëhershëm, por tani mund të ndërtojmë një ëndërr, këtë ua kemi borxh atyre që i kujtojmë sot,” tha ish-kryeministri britanik, Tony Blair, në seancën solemne të Parlamentit të Kosovës duke përfunduar:

“Është ajo për të cilën ne bashkuam forcat për të arritur, para 25 vitesh. Po, ishte luftë për liri, por jo thjeshtë vetëm për të qenë të lirë, por për shkak se liria hap mendjen njerëzore. Kjo rrezikohej në këtë tokë dhe në këto rrugë para një çerek shekulli. Ne i dhamë fund ankthit të atëhershëm, por tani mund të ndërtojmë një ëndërr; këtë ua kemi borxh atyre që i kujtojmë sot”, ka thënë ai.