Turp të kem, që Ambasadori Boschardt nuk ka turp!
“Boschardt, Shame on you!”/ lexo shqip: Boschardt, Turp të kesh!/ Kjo parullë e shkruar në pallatin ku jeton Ambasadori i Prezencës së OSBE në Tiranë, Bernd Boschardt, nga autoritetet e Edi Ramës u vlerësua si sulm terrorist dhe mbrëmjen e së martës u arrestua dhe studentja Ana Azizaj për këtë akt terrorist.
Që Edi Rama ka dalë nga binarët e Zotit me regjimin e tij, ky nuk është lajm, por që kjo mbështetet si nga vetë Ambasadori Borchardt dhe selia e OSBE në Vjenë, kjo është shumë më kriminale se parulla dhe protesta që u organizua para pallatit ku jeton Ambasadori i OSBE!
Meqë Ana Azizaj u arrestua dhe Ambasadori Bernd Boschardt heshtë, pa u marrë me deklaratat e tij kundër opozitës dhe dhunën që ajo përdor, duhet ti kujtojmë këtij diplomati gjerman se çfarë quhet dhunë në Berlin, dhe pse nuk arrestohen dhe nuk quhen akte terroriste kur sulmohet në mënyrë të paskrupullt edhe Kancelarja Angel Merkel.
Kërcënimi dhe terrorizmi në Berlin
Në gushtin e vitit 2015, kur Kancelarja Merkel po vizitonte një kamp azilantësh në qytetin Heidenau të Saksonisë, ajou prit me protesta të fuqishme dhe njëra ndër parullat kryesore ishte “Ju jeni tradhëtare e popullit”!
Kancelarja Merkel nuk i vlerësoj këto protesta si terroriste dhe as që u mor me parullën në fjalë por tha se ishin protesta të turpshme, e sa për arrestimin e dikujt as që bëhet fjalë. Dhe jo vetëm kaq!
Në korrikun e vitit 2016 sërish protesta kundër Kancelares Angela Merkel dhe politikës së saj ndaj refugjatëve dhe tashmë në Berlin ku parulla kryesore ishte “Mbretëresha e Trafikantëve” dhe për ironi të Ambasadorit Boschardt edhe parulla “Merkel ik!”.
Parullat jo vetëm që i mbanin njerëzit plotësisht të identifikueshëm, por shtetit gjerman nuk i mungonte një dorë e fortë si Edi Rama, sepse ai udhëhiqet nga një lidere e fortë që do të hyjë edhe në historinë botëore, por mbajtësi i kësaj aparulle nuk u arrestua dhe lëre më të quhet terroist, siç bëri Organizata e Ambasadorit Bernd Boschardt
Në shtatorin e vitit 2017 në qendër të Berlinit u mbajtën protesta kundër Kancelares Merkel, me parullat kryesore “Angela ik” dhe “Nuk e duam Angelën”, dhe meqë organizohej nga AfD ishte dhe një parullë “Stop islamizimit të Gjermanisë”. Asnjëra prej këtyre parullave nuk e irritoi Kancelaren madje as kjo e fundit, që të prangos ata që po e mbanin në dorë, por thjeshtë kaloi si protestë.
Por përrallat e OSBE dhe Ambasadorit Bernd Boschardt nuk përfundojnë këtu!
Për të kuptuar më qartë se çfarë do të thotë sulm ndaj një amabsade apo ambasadori sërish i kthehemi Berlinit meqë Ambasadorin e OSBE e kemi gjerman!
Në tetorin e vitit 2015, Policia e Berlinit njoftoi se Ambasada amerikane në Gjermani mori një letër me pluhur të bardhë që më vonë u zbulua se nuk ishte e dëmshme. Zëdhënësja e policisë Valeska Jakubowski tha se policia po shqyrton letrën e dërguar pasi ambasada e kuptoi se dërguesi ishte i njëjti njeri që kishte dërguar letra në adresë vitin e kaluar. Jakubowski tha se letra e fundit nuk përmban asnjë kërcënim. Sipas saj, 54- vjeçari pas të gjitha letrave më parë ishte akuzuar për shqetësim, por gjykimi nuk ishte iniciuar kundër tij, pasi ai ishte psikologjikisht i papërshtatshëm. Pra, askush nuk arrestua!
Në marsin e vitit 2016, një burrë është arrestuar, pasi ka tentuar të hyjë me dhunë në Ambasadën amerikane në Berlin me një qese me bombë në dorë. Polici gjerman Jens Burger tha se një njeri është ndaluar te dera e Ambasadës në qendër të qytetit nga stafi i sigurimit rreth orës 7:30 të premten. Burger tha se oficerët janë duke hetuar se përse ky njeri është bërë i dhunshëm dhe ka tentuar që të godasë personelin e sigurimit. Ndërsa gjatë arrestimit nga policia, shtoi Burger, se i arrestuari i kishte thënë policëve se është një bombë në një qese që ai e kishte lënë në hyrje të Ambasadës. Ndërsa ajo zonë menjëherë është zbrazur dhe policët me robot kanë inspektuar qesen, por nuk është gjetur asgjë. Polici Burger tha se ende nuk dihet identiteti i të arrestuarit, por “ka shumë indikacione që ai është i sëmurë psikologjikisht”. Kështu u tha zyrtarisht dhe nuk u arrestua njeri.
Për të kaluar nga konkluzionet “me të çmendur” ja dhe një shembull puro politik. Në shkurtin e vitit 2018, përkrahësit e PKK hedhin ngjyrë në Ambasadën e Turqisë në Berlin.
“Të dyshuarit fillimisht lëshuan një bombë tymuese dhe pas hodhën balona të mbushur me ngjyrë të verdhë, të kueq dhe të gjelbër ndaj ndërtetsës së ambasadës,” tha zëdhënësi i policisë, Michael Gassen duke shtuar se policia është në kërkim të katër të dyshuarve, të cilët menjëherë pas incidentin u larguan përmes një parku të afërt.
Situata këtu bëhet më serioze meqë kishim të bëjmë me njërën nga protestat radikale të dhunshme nga grupi terrorist PYD/PKK-së i cili nga viti 1993 është i ndaluar në Gjermani, dhe sulmohet Ambasada e një shteti të NATO-s në Berlin, e cila është e pajisur ma shumë me kamera sigurie se sa me tulla. Nuk u arrestua njeri edhe pse e kishim të bëjmë me një akt të pastër terrorist, por u lanë që teorristët të ikin në park dhe pastaj policia ti ndjekë ata. Dhe zëdhënësi i policisë foli sikur po flet për një protestë të bojaxhinjve me bojëra dhe shumëllojshmërinë e tyre.
Turp të kem!
Duke njohur këto realitete, duke njohur natyrën e reagimit dhe përmbajtjes së parullës së studentes Ana Azizaj, e cila u shkrua pranë banesës ku jeton Ambasadori i OSBE në Tiranë, Bernd Boschardt, turp të kem që jetoj në një shtet siç e trajton OSBE dhe ministri im i Brendshëm bie në grackën e ca buroktatëve idiotë që vijnë të tallen “në një vend të humbur” që nuk është pjesë e BE.
Unë kam turp që jetoj në një vend ku OSBE e konsideron dhunë dhe terrorizëm, një parullë të shkruar nga një studente në murin e një pallati, dhe rrahjen deri në lodhje të Sekreatrit Organizativ të PD, Sahit Dollapi, as që e shënjon në tefterin e saj të vëzhgimit!
Turp të kem që policia e vendit tim komandohet nga një njeri si kryeministri Edi Rama, dhe nuk lejon Avokaten e Popullit të futet në spital për të vizituar protestuesit e plagosur nga policia. Dhe, përdhosja e Avokatit të Popullit nga policia ndonëse është akt terrorist në një shtet demokratik, nuk zë vend sërish në tefterin e OSBE-së.
Turp të kem që jetoj në një shtet ku Ambasadori i OSBE-së, Bernd Boschardt nuk ka turp dhe bashkëpunon me Kryeministrin Edi Rama, dhe mbështetë politikat e tij të dhunshme edhe pse mediat prej nga vjen ky Ambasador, konstatojnë se Shqipëria është një vend kaotik në duar gangsterësh!
I’m ashamed of you/ lexo shqip: Unë kam turp për ty!/
