TURPI I SHEKULLIT/ Edi Rama fitoi në Postribë, me udhëzimet e Mehmet Shehut!
Takimi i shkodranit nga Tirana dhe kandidatit të Partisë Socialiste për Kryetar të Bashkisë Shkodër, Benet Beci, ishte mbreslënës kur ai u takua me bizneset e Postribës te Ura e Mesit dhe kuptoi se mungojnë shërbimet në sektorin e bujqësisë dhe uji i pijshëm në pothuaj të gjithë fshatrat e kësaj njësie administrative, si dhe mungesa e uji në kanalet vaditëse në fshatin Postribë.
Por, askush nuk e ka menduar, pavarësisht prezencës së Tomë Doshit non grata ose jo, që ky përfaqësues i komunistëve të Edi Ramës do të votohet nga vendi ku komunistët kryen njërën nga masakrat më të tmerrshme në shtatorin e vitit 1946 duke lënë të vdekur 64 burra ndërsa u burgosën dhe internuan 1.200 të tjerë!
Nuk dihet se cili do të ishte bilanci i kësaj kryengritje, që ishte dhe Kryengritja e parë antikomuniste në Evropën Lindore, sikur mos të ishte paralajmërimi i kriminelit Mehmet Shehu, por është e qartë se udhëzimin e këtij krimineli komunist e kishte parasysh pasaardhësi i tij Edi Rama i cili u fut për të fituar me urdhërin e tij në dorë, dhe, fitoi!
Por, çfarë thoshte urdhëri i Mehmet Shehut për Postribën, dhe cila është lidhja me masakrën e 14 Majit 2023 që la të vdekur të gjallë plotë 1.815 postribas, që mund të kenë bërë shumë gjëra në jetën e tyre, por gjakun e të parëve nuk ia kanë shitur as Tomkës dhe as shokëve të tijë në tokën e Kanunit të Lekës sepse aty na paska varfëri!
Jo! Bardh Spahia u mposhtë nga Edi Rama i cili vazhdon të shikoj vetëm nga ato që ndodhën mbrapa për të përdorur bëmat e Sigurimit të Shtetit dhe prodhuar një rezultat të turpshëm jo vetëm për Shkodrën dhe Postribën, por, dhe për qenien shqiptare në tërësi!
Arsyetimi i këtij turpi me shit-blerjen e votës dhe prezencën e Luizit, është arsyetim për të shpërqendruar vemendjen nga rikthimi i Sigurimit të Shtetit në një vend ku u organizua kryengritja e parë antikomuniste kur të gjithë ishin të varfër dhe nuk kishte Big Brother, e Komandanti i operacionit për çarmatimin rrënjësor të Nënprefeketurës së Koplikut, Gjeneral Major Mehmet Shehu, në urdhërin e tij të sigluar më 2 shkurt 1945 udhëzonte:
“Postriba nuk mund të konsiderohet njisoj si Kastrati prandaj Postribës i duhen bërë disa lehtësi, duke i lënë armët Bajraktarvet të cilët nuk qendrojnë keq, mund t’u lihen armët edhe personave tek tuk qi kanë qëndruar më mirë se tjerët, po prap se prap Postriba duhet të çarmatoset.”
Por, jo vetëm kaq! Nga ky dokument mund të kuptohet dhe pse Kopliku voton Partinë Socialiste, ashtu siç mund të kuptohet si e urdhëroi Sigurimi i Shtetit më 14 Maj të vitit 20223, Postribën.
Pra, sepse, as Krimineli Mehmet Shehu, vetëm Postribën nuk e konsideronte me armikun dhe këtë e kishte parasysh pasardhësi i tij Edi Rama.
“Paralel me çarmatimin duhet të shkoj edhe ri-organizimi i Këshillavet me anë konferencash në ç’do katund. Këshillat e vjetra duhet të ri-formohen që të gjitha se pse e shumta e tyre,, sidmos Kastrati, Shkreli, Koplik, Rrjellë, e Dukagjin, përveç Postribës janë të komprometuara me armikun.”
Pse e mori për bazë Edi Rama këtë udhëzim të paraardhësit Mehmet Shehu! Natyrisht Benet Beci nuk mund ta dijë sepse urdhëri i fundit për të është vetëm përpara, ndërsa të gjithë komunistët tjerë duke mos përjashtuar Kryeministrin Rama si antiverior, e kanë parasysh urdhërin e këtij operacioni ku mbetën të vrarë mbi 2.000 shqiptarë:
“Reaksioni duhet asgjësuar, populli duhet organizuar e mobilizuar, Kujt t’i kërkohet arma duhet të dorëzoj armën ose shpirtin!”
Krimineli Mehmet Shehu për fat të keq u mori edhe armën edhe shpirtin, zotim të cilin e vazhdoi Edi Rama 70 vjet më pas për atë pak shpirt që u kishte mbetur shqiptarëve! Ndërsa 1.815 postribasit që votuan Partinë Socialiste, për pushtetin që i dhuruan atyre që i lanë jo vetëm pa klerin por edhe pa Zot, llogari do të japin ditën e gjykimit!
Ndërsa llumi shqiptar i cili vazhdon dhe i gëzohet humbjes së Bardh Spahisë pa e kuptuar dallimin e madh me Benet Becin, ashtu si dhe disa metropolitan që nuk shohin dallimin përveç se u pengon Sali Brisha si mbështetës i Dr.Bardhit, mund ta konfirmojnë këtë dallim thelbësor pikërisht nga rasti i Masakrës së Postribës!
Në çdo përvjetor të Masakrës së Postribës, Bardh Spahia ishte aty pavarësisht nëse ishte apo nuk ishte kryebashkiak, ishte apo nuk ishte deputet!
Thjeshtë, Bardh Spahia ishte aty jo me vendim të partisë, por, për të nderuar viktimat e komunizmit për shkak të edukatës që ka si i biri Ali Spahisë; Dhe, jo siç e përcakton partia e Edi Ramës dhe Benet Becit, të Atin, të Birin dhe shpirtin Komunist!
