Turqi, dënohet me 11 mijë vite burg “mbreti” i kriptomonedhave, Faruk Fatih Ozer

Gjykata në Stamboll dënoi me 11 mijë vite dhe 196 ditë burg, Faruk Fatih Ozer, i akuzuar si kreu i Crypto Exchange Thodex për krime të shumta përfshirë mashtrimin, udhëheqjen e një organizate kriminale dhe pastrimin e parave.

Sipas mediave të huaja, gjykata turke dënoi edhe dy vëllezërit e motrat e tij me burg, duke i shpallur ata fajtorë për mashtrim të rëndë. Ndërkohë, mediat kanë zbardhur dhe dëshminë e 22 vjeçarit turk para gjykatës.

“Unë jam mjaft i zgjuar për të udhëhequr çdo institucion në Tokë. Kjo është e dukshme në këtë kompani që kam krijuar në moshën 22-vjeçare. Nuk do të kisha vepruar kaq amator nëse kjo do të ishte një organizatë kriminale,” tha Faruk Fatih Ozer para Gjykatës së Stambollit.

Ndryshe, Faruk Fatih Ozer u ekstradua nga Shqipëria me kërkesë të Turqisë, pasi ishte shpall në kërkim ndërkombëtar kur Gjykata e Lartë e Stambollit në vitin 2021, kishte lëshuar urdhër arresti ndaj tij, për veprat penale “Krijimi i organizatës kriminale” dhe “Mashtrimi me pasoja të rënda”.

Faruk Fatih Ozer akuzohet për mashtrim të 391.000 qytetarëve, nëpërmjet kriptomonedhave, mashtrim me një dëm ekonomik prej 2 miliardë dollarë.