Turqi, viktima dhe dëmtime të mëdha nga tërmeti, Erdogan: Jemi pranë qytetarëve!
Mediat turke raportojnë për 6 jetë të humbura nga tërmeti i tmerrshëm që goditi sot Turqinë me magnitudë 6.6 të shkallës Rihter dhe thellësi 10 km me epiqendër në Egje.
Deri më tani, 152 janë të palgosur ndërsa 70 qytetarë janë shpëtuar të gjallë nga rrënojat, raportojnë mediat turke ndërsa kryetari i Bashkisë Izmir, tha se deri tani thuhet se janë shembur 20 ndërtesa.
Pas tërmetit ka reaguar Presidenti turk Rexhep Taip Erdogan duke theksuar se i qëndron pranë të gjithë qytetarëve.
“Me të gjitha mjetet e shtetit tonë, ne u qëndrojmë pranë qytetarëve tanë të prekur nga tërmeti. Ne morëm masa për të filluar punën e nevojshme në rajon me të gjitha institucionet dhe ministrat tanë përkatës,” tha Erdogan permes rrjetit social Twitter.
Për tërmetin e fuqishëm i cili thuhet se ka zgjatë 45 sekonda, pamjet e publikuara në mediat turke tregojnë momente të frikshme gjatë këtyre lëkundjeve që shkaktuan një panik të madhe ndër qytetarë të Izmirit dhe jo vetëm.
Ndërkohë Ministri i Brendshëm i Turqisë, Süleyman Soylu, tha se përveç çarjeve të vogla në ndërtesa në qytetet Uşak, Denizli, Manisa, Balıkesir, Aydın dhe Muğla, nuk është raportuar për viktima.
Mësohet se përkundër tensioneve të ditëve të fundit, pas tërmetit Kryeministri Kyriakos Mitsotakis zhvilloi një bisedë telefonike me Presidentin turk Rexhep Tajip Erdogan, duke i përcjellë ngushëllimet e tij të përzemërta për humbjen e jetëve duke dërguar një mesazh uniteti midis dy popujve.
Ndërsa ministri i Jashtëm grek, Nikos Dendias ka kontaktuar me telefon homologun turk, Mevlüt Çavuşoğlu, menjëherë pas tërmetit të madh në Egje dhe shprehu gatishmërinë e Greqisë për të ndihmuar në procesin e evakuimit të qytetarëve, banesat e të cilëve janë shkatërruar në rajonin e Izmirit.
“Pas tërmetit të Samos dhe Smyrna, Ministri i Jashtëm Nikos Dendias kontaktoi homologun turk M.Cavusoglu dhe shprehu gatishmërinë e qeverisë greke për të dërguar drejtpërdrejt forcat EMAK në Turqi për të ndihmuar qytetarët e bllokuar,” bënë të ditur Ministria greke e punëve të Jashtme.
