Turqia mbështetë anëtarësimin e Kosovës në INTERPOL

Kryeministri Ramush Haradinaj ka siguruar nga Turqia mbështetjen e plotë për anëtarësimin në INTERPOL gjatë takimit me ministrin e Punëve të Jashtme të Turqisë, Mevlut Çavuşoğlu.

“Bashkëbisedim i frytshëm mbi dinamikën e ardhshme të bashkëpunimit të dy shteteve tona me ministrin e Punëve të Jashtme të Turqisë, Mevlut Çavuşoğlu, me të cilin shprehëm vullnetin e përbashkët për intesifikimin e partneritetit politik, ekonomik dhe të sigurisë ndërmjet dy vendeve tona, në dobi të të dy palëve. Nga ministri turk Çavuşoğlu u sigurova për mbështetjen e plotë të shtetit turk për anëtarësimin e Kosovës në Interpol dhe lobimin për shtimin e njohjeve të reja,”,thekson Haradinaj.

Ndërkohë shefi i diplomacisë turke Çavuşoğlu duke përsëritur se gylenistët janë terrorristë i bëri thirrje institucioneve të Kosovës që t’i dorëzojnë ata.