Turqia regjistron temperaturë rekorde

Turqia ka regjistruar temperaturë rekorde prej 49.5 gradësh Celsius, teksa ekspertët kanë paralajmëruar se trendi i valës së të nxehtit në Mesdhe do të vazhdojë deri në vitet 2040.

Temperatura rekorde është regjistruar në provincën Eskishehër, tha ministri turk i Ambientit, Mehmet Ozhaseki në rrjetin social X, të njohur më parë si Twitter.

Sipas tij, raporton RFE, rekordi paraprak është regjistruar më 2021 – 49.1 gradë Celsius.

Shërbimi Kombëtar i Motit ka paralajmëruar sot se vala e të nxehtit do të vazhdojë t’i rrisë temperaturat normale të sezonit për 11 gradë.

Arsyeja kryesore mbrapa kësaj vale besohet se qëndron te ndryshimet klimatike, tha profesori i meteorologjisë në Universitetin Teknik të Stambollit, Baris Onol.

Ndonëse fenomeni El Nino, që aktualisht është aktiv, ndikon në rritje të temperaturave, valët e të nxehtit janë bërë viteve të fundit më të shpeshta dhe më të gjata, tha Onol për Agjencinë e lajmeve DPA.

“Turqia do të jetë më e ekspozuar ndaj temperaturave të larta në 30 deri në 40 vjetët e ardhshëm, sikurse gjithë rajoni i Mesdheut,” tha Onol.

Profesori i meteorologjisë në Universitetin Teknik të Stambollit, Baris Onol, raporton RFE, ka parashikuar që piku i sezonit turistik në të ardhmen do të bartet në shtator dhe tetor.