U arratis nga burgu grek, shqiptari arrestohet sot në Athinë

Nuk ka zgjatur shumë liria e shqiptarit të arratisur nga burgu grek i Avlonës, Albiano Xhezairi.

23 vjeçari Albiano Xhezairi nga Ksamili i cili u arratis dje nga burgu, u kap sot në rrugën “Menanadrou” në qendër të Athinës! Xhezairi është një emër i njohur për drejtësinë shqiptarë dhe atë greke.  

Ai rezulton i dënuar në Greqi me 16 vite burg pasi më 11 Maj 2017 është arrestuar në lagjen Galtasi në Athinë pasi ishte përfshirë në një grup kriminal të trafikut të drogës nga Shqipëria në Greqi.

Xhezairi merrte drogën nga kufiri i gjelbër dhe e magazinonte atë në banesën që kishte me qira në Athinë dhe më pas e shiste atë. Në momentin e arrestimit atij iu gjet në banesë mbi 3 kg 800 gram marijuanë, 1 pistolete, 1 thikë dhe 1 peshore.