U arrestuan të enjten, masa e sigurisë për 6 protestuesit

Gjashtë personat e arrestuar të enjten si pjesëmarrës në protestën e fundit të opozitës e cila u zhvillua para Parlamentit të Shqipërisë do të njihen sot me masën e sigurisë në Gjykatën e Tiranës.

Para gjykatës janë mbledhur familjarë dhe përfaqësues nga PD dhe LSI.

Prokuroria ka kërkuar “arrest me burg”për të arrestuarit. Ata akuzohen për konsumimin e elementëve të veprave penale “Kundërshtimi i punonjësit të policisë së rendit publik”, “Goditje për shkak të detyrës” dhe “Prishja e qetësisë publike”.

“Veprimet proceduriale janë kryer në bazë të një analize të pamjeve filmike, raport shërbimeve, si dhe provave të tjera të mbledhura nga grupi hetimor,” thekson policia.

Opozita e Bashkuar ka kundërshtuar arrestimet duke kërkuar lirimin e menjëhershëm të protestuesëve.

Protestuesit e arrestuar:

– J.Gj., 24 vjeç, nga Shijaku;

– M.D., 24 vjeç, nga Mamurrasi;

– A.K., 20 vjeç, nga Rrësheni;

– B.D., 36 vjeç, nga Kavaja;

– E.M., 26 vjeç, nga Kavaja;

– D.P., 31 vjeç, nga Tirana.