U denoncua për përndjekje dhe dhunë, gjykata lë në “arrest shtëpie” Ish-Drejtoreshën e Spitalit në Dibër
Ish-Drejtoresha e Spitalit Rajonal Dibër, Irini Shehu është lënë sot në arrest shtëpie.
Ndalimi i Irini Shehut u krye pas kallëzimeve nga stafi i Spitalit Rajonal të Dibrës, duke marrë indicie fillimisht nga përplasja që ajo pati me shefin e financës, Shaban Uklala, të cilin e goditi me sende të forta në ambientet e spitalit.
37-vjeçari Shaban Uklala beri kallëzim ndaj saj në Policinë e Dibrës, duke u pasuar nga shumë kallëzime të tjera te punonjësve të tjerë të spitalit.
44-vjeçarja Irini Shehu u shkarkua nga detyra si drejtuese e Spitalit Rajonal të Dibrës disa javë më parë dhe teksa po hetohej në gjendje të lirë, punonjës të tjerë të spitalit e kanë denoncuar atë për fyerje dhe kërcënime.
Policia njoftoi se nisi një tjetër procedim ndaj Shehut më 22 prill 2025, pasi dyshohet se ka kërcënuar përmes telefonatave dhe mesazheve një 48-vjeçare.
Dje, më 23 prill, Irini Shehu është paraqitur në Spitalin e Dibrës, ndonëse e kishte të ndaluar dhe mësohet se ka pasur sërish përplasje me punonjësite spitalit, raporton BW
Nisur nga këto kallëzime, Prokuroria urdhëroi arrestimin e Irini Shehut, por kjo e fundit është përpjekur t’i shmanget përgjegjësisë ligjore, duke qëndruar në një nga dhomat e spitalit, me pretendimin se ishte sëmurë. Gjatë qëndrimit të saj në spital u monitorua nga Policia e Shtetit, ndërsa e ka konsideruar urdhërarrestin të paligjshëm dhe të pabazuar në prova.
