U dokumentua, Kurti: Sulmi terrorist, plan për të aneksuar veriun e Kosovës!
Kryeministri i Kosovës, Albin Kurti, tha sot se bazuar në dokumentacionin e konfiskuar nga Policia e Kosovës, është konfirmuar se sulmi terrorist ishte pjesë e një plani më të madh për të aneksuar veriun e Kosovës.
“Ky plan, do të ishte në bashkëpunim përmes një sulmi të koordinuar në 37 pozicione të dallueshme. Do të pasonte krijimi i një korridori për në Serbi, për të mundësuar furnizimin me armë dhe trupa,” u shpreh Albin Kurti në reagimin e tij përmes rrjetit social X.
Ndryshe më 24 shtator, grupe të armatosura terroriste të mbështetura nga Serbia, sulmuan forcat policore të Kosovës në Banjskë ku mbeti i vrarë rreshterii Policisë së Kosovës, Afrim Bunjaku.
