U hodh nga ballkoni i Spitalit Infektiv, Policia: Ndodhet nën kujdesin e mjekëve

Një pacient me COVID-19 u hodh nga ballkoni i Spitalit Infektiv në QSUT. Policia bënë të ditur se fjala është për 69 vjeçarin me inicialet R.B. ndodhet në spital, nën kujdesin e mjekëve ndërkohë Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes .

“Më datë 10.11.2020, rreth orës 12:30, dyshohet se është vetëhedhur nga lartësia e një spitali shtetasi R.B., 69 vjeç, i cili ndodhet në spital, nën kujdesin e mjekëve. Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes,” thekson policia në informacionin paraprak.

Ndryshe, kohë më parë tre pacientë me koronavirus i dhanë fund jetës në spitalet COVID duke u hedhur nga lartësia.

Rasti i parë është regjistruar më 13 gusht, ku 29-vjeçari Xhino Koça nga Durrësi u hodh nga kati i tretë i “Shefqet Ndroqit” në gjendje të rënduar psikologjike, ku për pasojë ndërroi jetë. Në 2 shtator Hasan Mira, 65 vjeç, i dha fund jetës duke u hedhur nga kati i katërt i COVID 2 vetëm dy ditë pasi ishte shtruar aty. Ndërkohë rasti i tretë u regjistrua në 1 nëntor sërish tek Sanatoriumi.