Piramida, peng i Ramës që u mbrojt me protesta! Sot Yuri Kim e mbështet…

Nuk ka më dilema! Gjithë ai llum i kuq që doli për të mbrojtur Piramidën e Enver Hoxhës, ku ishte projektuar të ndërtohej Parlamenti i Ri, sot rezulton se nuk ishte një energji e konsumuar kot. Sejmenët e Edi Ramës kanë dalë të mbrojnë këtë simbol të torturës sepse ishte peng i Kryetarit të Bashkisë i cili as në ëndërr nuk e kishte parë humbjen nga Lulzim Basha për mandatin e katërt.

Sot, kur Kryetari i Bashkisë Tiranë, Erion Veliaj foli për projektin e rijetësimit të Piramidës, zbuloi këtë peng, që del, sipas Veliajt, se është dhe më i madhi i 11 viteve. Edhe mund të jetë, kjo nuk çuditë, sepse protestat që organizoi Edi Rama për mbrojtjen e Piramidës janë protestat më banale në karrierën e tij si Kryetar i PS. Ajo që ishte sot e çuditshme në spektaklin e radhës, ishte prania e Ambasadores së SHBA në Tiranë, Yuri Kim!

Gjithsesi, Erion Veliaj u shpreh:

”I thashë Edi cila është gjëja që të ka ngelur peng. Fjala e parë ishte Piramida. Nuk ka qenë vetëm peng i Edit, por i kujtdo, kujtdo që ka qenë pjesë e Tiranës, është rritur me të, apo ka rrëshkitur këtu tek Piramida.

Projekti fitues është nga Holanda, na duhen dhe financat përvec saj. Në këtë bashkëpunim tashmë, kemi mundësuar gjithë financimin për një punë 2-vjeçare, për rijetësimin e Piramidës që do jetë qendra më e madhe dixhitale në Ballkan. Në pamundësi për një event të madh, duhet të shtyjmë festën e madhe afër fundit. Duam ta kthejmë në një ekosistem dixhital, jo vetëm mësimin, start-up, apo kompanitë teknologjike,” tha Veliaj.

Por Kryeministri Edi Rama, për të cilin u tha se Piramidën e kishte peng, nuk ishte i qartë ashtu siç nuk ishte për 11 vjet si i pari i Tiranës dhe më pas i pari i komunistëve të Shqipërisë. E pranoi se kohën që kishte harxhuar për Piramidën nuk ishte kot, por foli kot sa për të denigruar veriorët që vazhdon ti ndërlidhë me Saliun, kioskat dhe tokën e xanun edhe pse problemin më të madh me këtë lloj toke e ka në Jug.

”Me vjen shumë mirë që shohim këtu nisjen e zbatimit të një projekti i cili është mbase ndër projektet që ka marrë më shumë kohë për të marrë formën e tyre, në ato që mbaj mend. Kanë marrë kohë një sërë projektesh. Ky është projekti që në këndvështrimin tim ka qenë më i vështiri për të marrë formën edëshiruar, dhe për të jetësuar harmonizimin shumë të vështirë mes të shkuarës dhe të ardhmes. Përmes një ndërhyrje në të tashmen. Kjo ka qenë një ndërtesë kur në kohën kur u ngrit dihej ç’qëllim kishte.

Nga pikëpamja arkitektonike ishte ndryshe nga të tjerat. Ishte një shkuarje e arkitektëve të kohës, përtej kornizës së kohës. Si për të thënë që ajo çka nuk i lejohej të tjerëve, dhe nuk lejohej për të tjerat. Dhënia e një forme shumë më e lidhur me tendencat e arkitekturës moderne, për një objekt në Shqipëri, ishte e mundur.

Në rastin kur kjo formë, jepte qartë mesazhin. E bën godinën një ndërtesa që duhet ruajtur. Jo vetëm për historinë e saj, se kjo do ishte gjëja më pak e rëndësishme, në rast se godina do ishte pa asnjë interes nga pikëpamja arkitektonike, por për formëne  saj.

Vitet e lanë mu në mes të Tiranës, në një proces degradimi. Asnjëherë nuk u gjet mënyra si kjo godinë mund të shërbente jo për qëllimin që u ndërtua, por për të tjera dhe me funksione të tjera. U provuan një sërë gjërash, që çuan në qoskëzimin e brendshëm. U kthye si një lloj simboli i tokës së xanun, në një bashkëpunim mes shtetit dhe aktorëve të ndryshëm të sipërmarrjes.

U kthye në një vend ku veprimtaritë s’kishin lidhje me njëra-tjetrën, dhe ku hapësira qendrore mbeti gjithmonë një vend i shkretë.

Më pas lindi ideja iracionale për ta kthyer territor, në territorin e parlamentit të ri, dhe për ta fshirë komplent nga dheu, gjë që shumë papritur krijoi një acarim tek brezi më i ri. Tek ai brez pak i lidhur ose aspak i lidhur me kohën e dikurshme. Sapo kishte hyrë në botën dixhitale, asoj kohe shumë e brishtë. Dhe rrjetet e sapokrijuara sociale nisën të përdoren në atë kohë për të thirrur për protestë. Protestuesit ishin më të rinjtë, që s’kishin lidhje me Enver Hoxhën e komunizmin. Nuk protestonin për të protestuar për muzeun e Hoxhës, por për të ruajtur një shenjë të një kujtese që nuk ishte kujtesa e tyre e drejtpërdrejtë, por ishte kujtesa kolektive që ruhet nga brezi në brez pikërisht nëpërmjet këtyre ndërhyrjeve tejet të komplikuara për ta sjellë në një godinë tjetër.”

Kujtoi Teatrin dhe Parlamentin e ri por nuk tha pse i kundërshtoi me sejmenë partie, me protesta absurde që nuk flisnin për rijetësim por për varrimin e ideve të “malokut Sali”.

“Megjithatë duhet ta pranoj se duke qenë se qysh jam bërë kryebashkiak, e kam pasur në mendje këtë godinë, sfidën për ta kthyer në një aset jo vetëm arkitektonik por edhe kulturor e social të Tiranës. Është sfidë shumë e ndërlikuar. Godina është shumë karakteristike, shumë e veçantë. Hapësirat e saj nuk janë lehtësisht të përdorshme. Sfida është programi i godinës. Çfarë do përmbajë brenda. Për çfarë do shërbejë. U bë tentativë absurde, qesharake, tragji-komike për historinë e kulturës dhe arkitekturës për ta bërë Teatër Kombëtar. U shpenzuan miliona dollarë, u bë një barbari brenda së cilës u janë ende gjurmët. U vodhën një pjesë e pllakave, aksesorëve të mbetur, për të lënë pas një gërmadhë,” tha Edi Rama duke e ditur se asnjëra prej këtyre që flet nuk ndodhi por falë Zotit e përfundoi, edhe pse me fjalët “bindës e ambicioz”:

“Dëshmia që vulosi faktin se godina nuk mund më të shihej si një hapësirë ku mund të kioskëzohej nga idetë spontane apo qëllimet e lindura. Besoj që e gjitha kjo kohë në kërkim të programit të kësaj godine ka qenë në fakt kohë jo e humbur, por na ka dhënë mundësinë që e bën këtë një projekt shumë bindës e ambicioz.”

Po Ambasadorja e SHBA, Yuri Kim, ç’ne në këtë maskaradë! Pse u bë pjesë e këtij spektakli? Pse sot doli si mbështetëse e kriminelëve komunistë që fillimisht ishin kundër jetësimit të kësaj Piramide në Teatër, projekt nga i cili Kryeministri Berisha hoqi dorë përballë morrave të kuq, por ata nuk hoqën dorë nga kundërshtimi i çdo gjëje demokratike, dhe idesë për ndërtimin e Parlamentit të ri. Protestat masive që organizoi Edi Rama për pengun e tij sot i mbështeti Ambasadorja amerikane dhe shpresojmë që qytetari shqiptar të mos e ketë keqkuptuar që çdo projekt qeveritar që kundërshtohet do të ketë mbështetjen e Shteteve të Bashkuara.

Sot, Yuri Kim tha se Piramida ishte një investim cinik i diktaturës, por pas fjalëve të Erion Velisë rezulton se ishte dhe është investim cinik i Edi Ramës. A është diktator?! Shpresoj që stafi i ambasadës ti përkthejë në mënyrë korrekte fjalët që thotë Kryeministri Edi Rama për Ambasadoren amerikane, por duke pasur parasysh faktin se cilët komunistë punojnë në Ambasadën e SHBA në Tiranë, fjalët që tha sot Yuri Kim shqiptarët nuk duhet ti marrin të mirëqena për ti përdor kundër Aleatit të vetëm që kanë mbi këtë tokë, Amerikës!

“Ne shpesh flasim për rrjedhën e historisë dhe njerëzit të mbarten në rrjedhën e saj. Gjithashtu flasim për historinë në krijim e sipër dhe historia në krijim e sipër është ajo që na bashkon sot. Siç e dimë të gjithë Piramida e Tiranës u hap më 1988 si muzeu Enver Hoxha, një investim cinik i diktaturës. Dhe si vetë diktatori dukej sikur kjo godinë iu thoshte njerëzve se janë objekt pasiv në rrjedhën e historisë. Sic e dëshmoi populli shqiptar më 1991, dhe sic e tregojnë edhe sot, ata kishin një rol në fakt. Populli shqiptar shpalli se historia e Shqipërisë është duke u bërë dhe se populli shqiptar është krijuesi i saj. Pak më shumë se një vit më parë Fondacioni shqiptaro-amerikan për Zhvillim ranë dakord për të nxitur novacionin e teknologjisë. Bashkëpunimi i tyre po bëhet tashmë realitet dhe pres me kënaqësi që kjo piramidë të shndërrohet nga një simbol i të kaluarës së errët në një inkubator për të ardhmen e ndritur të popullit të Shqipërisë, në një të ardhme ku më të mirët e Shqipërisë të mësojnë dhe të bëhen krijuesit e historisë së tyre,” tha Ambasadorja e SHBA, Yuri Kim, para Lali Erit dhe shefit të tij që pasi arriti ta pengojë ndërtimin e Parlamentit të ri të Shqipërisë, më nuk ka asnjë peng.

Për ata që mendojnë se Fondacioni shqiptaro-amerikan për Zhvillim mund të jetë arsyeja e prezencës së Ambasadores amerikane, gabojnë rëndë!

Ky nuk është Fondacion që inkurajon krimin, nëse është bërë i tillë, spektaklet mund të kursehen të paktën nga Ambasadorët!