U largua dhunshëm nga komunistët, Flamur Hoxha kthehet si drejtues politik i PD për Qarkun Kukës

Komunistët e larguan dhunshëm nga Luma kur ishte vetëm në klasë të dytë të shkollës fillore, sot biznesmeni dhe humanisti i njohur shqiptar, Flamur Hoxha, kthehet si drejtues politik i Partisë Demokratike në Qarkun Kukës për zgjedhjet e 25 Prillit, besim për të cilin falënderon demokratët e Kamzës dhe Paskuqanit, lumjanët e vet dhe pa harruar Kryetarin e PD, Lulzim Basha.

“Jam larguar dhunshëm nga Luma kur isha i mitur, nxënës në klasën e dytë të fillores. Na hodhën familjarisht në karroceritë e makinavemë mesnatë me më pak kujdes se thasët e patateve të Shishtavecit, që asokohe ushqenin Tiranën, drejt askundit të internimit.

Gjyshi im u pushkatua, pas një gjyqi publik, për veprimtari antiparti, atëhere kur sistemi po shtynte mbijetesën përmes terrorit, burgosjes e pushkatimeve,” thekson sot në reagimin e parë pas emërimit si drejtues politik i PD për Qarkun Kukës, i gatshëm për procesin e hapur të përzgjedhjes, bazuar në standartet demokratike të perëndimit.

Krenar për prejardhjen antikomuniste, krenar me Lumën, Tropojen dhe Hasin që e vuajtën si askund tjetër gjysëm shekullin e diktaturës, Flamur Hoxha duke u shprehur se është njëri prej tyre premton se si i tillë do vendos gjithçka mundet për kauzën e të drejtës, për liritë dhe barazinë e secilit, për një pushtet përballë të cilit njerzit nuk ndihen të frikësuar ndërsa përfundon:

“Do të ju përfaqësoj me dinjitetin me të cilin më ka mëkuar treva jonë. Falënderim dhe për të gjithë ata që më përcjellin urime për kandidimin…te gjithë bashkë jemi shumë dhe bëjmë më shumë

Reagimi i plotë:

Falenderimi im i parë, pas përzgjedhjes si drejtuesi politik i demokratëve për 25 prillin në qarkun Kukës shkon tek anëtarësia e PD në Kamëz e Paskuqan, në degët 10, 11, 13 dhe 15 në Tiranë si dhe për bashkëkrahinarët e mi në Lumë që më propozuan ti përfaqësoja në atë proces të hapur përzgjedhjeje, bazuar në standartet demokratike të perëndimit ku aspirojmë dhe do te bëhemi pjesë.

Falënderim për Kryetarin Basha, që në konsultim me strukturat drejtuese të PD, më nominuan të drejtoj e përfaqësoj njërën prej trevave më mbështetëse në proceset e demokratizimit të Shqipërise, Qarkun e Kukësit!

Jam larguar dhunshëm nga Luma kur isha i mitur, nxënës në klasën e dytë të fillores. Na hodhën familjarisht në karroceritë e makinavemë mesnatë me më pak kujdes se thasët e patateve të Shishtavecit, që asokohe ushqenin Tiranën, drejt askundit të internimit.

Gjyshi im u pushkatua, pas një gjyqi publik, për veprimtari antiparti, atëhere kur sistemi po shtynte mbijetesën përmes terrorit, burgosjes e pushkatimeve .

Jam krenar për preardhjen time antikomuniste, jam krenar me Lumën, Tropojen dhe Hasin që e vuajtën si askund tjetër gjysëm shekullin e diktaturës.

Jam vetëm njëri prej tyre, i barabartë me ta. Premtoj se si i tillë do vendos gjithçka mundem për kauzën e të drejtës, për liritë dhe barazinë e secilit , për një pushtet përballë të cilit njerzit nuk ndihen të frikësuar. Do të ju përfaqësoj me dinjitetin me të cilin më ka mëkuar treva jonë.

Falënderim dhe për të gjithë ata që më përcjellin urime për kandidimin…te gjithë bashkë jemi shumë dhe bëjmë më shumë.

Me mirënjohje të sinqertë
Flamur Hoxha.