U mbars RAI 3 dhe pjelli Edi Ramën e shqetësuar, zbuloi armikun e panjohur dhe u çmall me komunistët!

Pas transmetimit të investigimit të emisionit Report në RAI 3, ku shqiptarët panë një qeveri ndryshe nga ajo që propagandon Edi Rama me impiantin e tij mediatiko-mashtrues, pasoi një bombardim lajmesh mbi Kryeministrin e pashqetësuar ndaj akuzave të pavërteta, por një ditë para vizitës së homolges së tij italiane në Tiranë, Giorgia Meloni, ai u shfaq si në ditët e errëta të pandemisë ku pasi i kishte larë mirë e mirë duart, fillonte rrëfenjën e tij bezdisëse në ekstrem mbi armikun e panjohur që po na kërcënonte!

Por, sot, për dallim nga ditët pandemike, Edi Rama ka zbuluar armikun që u tregoi shqiptarëve se sa i korruptuar është ai dhe qeveria që drejton, dhe çuditërisht kishte keqardhje e dhimbje nga padrejtësia ndaj homologes italiane, që kishte në përmbajtje shume baltë për Shqipërinë për luftën politike ndaj tij, pa përmendur llojin e baltës që ishe prodhuar nga bashkëpunimi i qeverisë me mafian; E për të mos harruar, shndërrimin e Shqipërisë në narkoshtet nga po kjo qeveri që drejton edhe pa investigimin e RAI 3, Edi Rama e konsdieron si një sulm mbi emrin dhe flamurin e shqiptarëve.

“Gjithë balta e eksportuar nga këtu në Itali dhe ekspozuar pa asnjë fakt dhe pa asnjë interes për publikun italian. Baltë mbi Shqipërinë e shqiptarët. Shqipëria nuk është më ajo që ishte, por ata që janë mënuar të na trajtojnë si vend i botës së 3 nuk na e falin dot progresin.
E vetmja mënyrë që gjejnë në gojën e politikanë ve të paskrupuj ,është hidh baltë për të na pikturuar si trafikantë. Cënimi i gjysmë të vërtetave në gjuhë të huaj, është sulm mbi emrin nderin e flamurin tonë kombëtar. Kush e bën duhet të mësojë që koha kur kryeministri bënte të fortin këtu e të menderosurit në botë, ka ikur,” tha Edi Rama duke i etiketuar shqiptarë pa atdhe që po tentojnë të shkelmojnë vendin dhe arritjet e tij dhe personazhe të errët, që janë dënuar nga drejtësia e re.

Kush janë këta shqiptarë, mos pyesni, janë ata që i prodhoi vetë si ministra e Zv/Kryeministra!

“Dokumentari kishte gjysmë të vërteta me gjuhë të huaj. Është sulm mbi flamurin tonë kombëtar dhe mbi popullin shqiptar. Unë kam krenari për Shqipërinë dhe për emrin shqiptar. Shqiptarët kudo që jetojnë nuk do jenë kurrë vetëm. As ata e as Shqipëria nuk e ulin më kokën. Këto janë sulme ndaj popullit shqiptar.

Ata thanë se nuk e kanë me Shqipërinë e shqiptarët, ama dëmin ia kanë bërë shqiptarëve. Kanalet e ujërave të zeza në Tiranë u dërguan në Itali. Këta janë shqiptarë pa atdhe, që shajnë e shpifin, por që vetëm humbasin. RAI3 dha dy shfaqje të neveritshme. U përdorën për dokumentarin figura të errëta, njerëz që janë dënuar nga drejtësia e re,” tha Edi Rama duke folur për figura të errëta si Arben Ahmetaj që foli për bossa të mafias në Zyrën e Kryeministrit, dhe një italian i cili u bë kriminel dhe u dënua me 17 vite burg vetëm atëherë kur guxoi të raportonte edhe për korrupsionin e qeverisë të cilën vetëm SPAKU nuk po e sheh dot.

“Po me kë e kishin ata?  Ata e kishin me qeverinë e tyre dhe deri këtu janë në të drejtën e tyre të shenjtë. Por ama kur pastaj fusin në valle edhe qeverinë tonë, duke marrë autobote me llum nga kanalet e ujërave të zeza politike e mediatike të Tiranës, për të thënë se marrëveshja e qeverisë së Italisë me qeverinë e Shqipërisë është jo vetëm e keqe, po edhe është bërë me një narkoshtet, me një qeveri ku shumë anëtarë të saj janë dënuar si të lidhur me mafian, ata shkelin jo vetëm mbi të vërtetën, po edhe mbi nderin e mbi dinjitetin tonë shtetëror.

Në bashkëpunim me një grusht shqiptarësh pa atdhe, pa fe, pa din e as iman, që jo nuk e bindin dot popullin këtu megjithëse shajnë e shpifin ditë-natë prej vitesh të tëra, po vetëm humbasin e diskreditohen përditë në sytë e tij, RAI 3 dha dy shfaqje të neveritshme të një gjasme gazetarie investigative. U përdorën si  heronj të shfaqjeve figura të errëta, një kriminel italian i dënuar 17 vjet nga drejtësia shqiptare për tërë të zezat, një i arratisur i shpallur në kërkim ndërkombëtar nga SPAK-u, një i mbyllur në arrest shtëpie nga gjykata speciale antikorrupsion, një i përjashtuari nga Vetingu në sistemin e drejtësisë.

U mor si opinionist një veteran i luftës me gjysëm të vërteta kundër meje e qeverisë sonë e ku di unë kush tjetër, ndërkohë që u trajtuan si personazhe negativë të shfaqjes, personalitete të politikës e të kulturës italiane apo lloj-lloj individësh të njohur e të panjohur në Shqipëri, duke hedhur baltë akuzash e dyshimesh pa asnjë lloj fakti.

Por në fund shfaqja që dukej si një çorbë tik-toku, qep, shqep e bashko fjalë e imazhe sipas skenarit, nuk tha asgjë të re përveç jashtënxjerrjeve të ujrave të zeza të politikës Non Grata e të kanaleve mediatike që i shërbejnë asaj llumpolitike. Asgjë pakontestueshme logjikisht, e lëre pastaj të vlefshme juridikisht, nuk nxorri pseudo investigimi italo-shqiptar, po vetëm mbarsi malin për të pjellë një mi, duke u justifikuar në fund se prova s’ka po ka akuza!”

Ndërsa e ka të qartë që e ka humbur shumicën ai sot po mundohet ta lufton këtë realitet me propagandë duke ngatërruar klimën e pandemisë me atë të sotme ku urdhërat nuk zbatohen me polici dhe ushtri, si në kohën kur merrte për leckash të madh e të vogël në emër të luftës me armikun e panjohur.

Sot Kryeministri Rama i bëri thirrje shqiptarëve, të braktisin ata të cilët i kanë persekutuar gjithë këto vite, ndërsa shtoi se pakica nuk ka nevojë të ndjekë shumicën, mjafton të mos mbështesë ata të cilët janë sjellë keq me ta që në fillimet e demokracisë! Patjetër që shqiptarët që këtë këshillë si të vetmen reale do ta zbatojnë kur tashmë Edi Rama me grigjën e tij nuk është vetëm pakicë, por një pakicë e pistë!

“U mbars mali për të pjellë një mi. Ishte një investigim italo-shqiptar pa fakte. Ua thash në mes të Italisë së ç’ishtë ai pseudo investigim i tyre. Nuk iu shmanga ballafaqimit dhe e publikova të pacensuruar.

Unë e kam me shqiptarët e zakonshëm: Mos i falni më. Braktisini përgjithnjë në vetminë e ujërave të zeza të politikës së tyre!

Pakica të mos i bashkohet shumicës nëse nuk do, por mos të bashkohet me ata sepse nuk i duhen më as dreqit. 

Ata janë mishërimi i shpirtit të së keqes që po del nga jeta e Shqipërisë duke u çjerrë nga përpëlitjet e fundit. Ky vend ka kryer punë me ata, ka kryer me atë shpirt të keq që e persekuton që prej vitit 1912,” tha Kryeministri Edi Rama i bindur se vendin që ai qeverisë nuk e ndal më asgjë, pavarësisht nga përpjekjet që bëhen për të hedhur baltë mbi Shqipërinë dhe shqiptarët, thotë Kryeministri i qeverisë më të korruptuar që nga viti 1912, dhe tashmë me zbulimin e armikut të panjohur përfundon:

“Shqipërinë nuk e ndal më asgjë dhe nuk ia përcakton më të ardhmen askush përveç nesh, shqiptarëve këtu. Kokën lart dhe vetëm përpara”,