U parashikua se do shuheshim, Berisha: Po e mbyllim vitin si opozitë që ngjall shpresë!

“Në kundërshtim me parashikimet se do të shuheshim, Ne e mbyllëm vitin e zi 2021, si një vit shprese, tha lideri historik i Partisë Demokratike, Sali Berisha, në ceremoninë e 31 vjetorit të themelimit të PD Dega Vlorë duke shtuar se PD u ngritë si forcë politike që i besojnë shqiptarët.

“Në kundërshtim me parashikimet se do të shuheshim, ne jemi në këmbë. Ne e mbyllëm vitin e zi 2021, si një vit shprese. Ne e ngritëm PD-në si opozitë të vërtetë, si forcë politike që i besojnë shqiptarët. Kjo faktohet nga të gjitha studimet që treguan se nga një rënie katastrofave në shtator, sot PD është ngritur mbi nivelin e prillit 2021. Sot PD është bërë shembull për shqiptarët, sepse u tregoi shqiptarëve se ne që sollëm votën e lirë, kemi një vlerë të shenjtë te ajo votë,” tha Sali Berisha paar demokratëve vlonjatë duke shtuar se po e mbyllim vitin, që në shumë aspekte do ishte i tmerrshëm për shqiptarët, kur narkoshteti mori mandatin e tretë në mënyrë të pamerituar.

“Ne mbyllim vitin kur shqiptarët përjetojnë një varfëri të tejskajshme, janë sot qytetarët më të plaçkitur, në një kohë kur papunësia ka mbuluar vendin. Por përsëri ndryshimi është si nata me ditën. Ne mbyllim vitin me një opozitë të vërtetë, një opozitë që ngjall shpresë dhe besim, një opozitë që do jetë avokate e shqiptarëve.

Ne e mbyllim vitin me një forcë politike të vendosur për t’u përballur dhëmb për dhëmb me narkoshtetin, me një forcë politike që i thotë dinjitetit të njeriut, dinjitet njeriu. Me një forcë politike që mban si interes madhor kombëtar, integrimin e Shqipërisë në BE dhe orientimin euroatlantik të saj. Të gjitha këto janë premisa që viti i ardhshëm të jetë një vit mrekullish për demokratët dhe për shqiptarët kudo që janë!” tha lideri historik i Partisë Demokratike, Sali Berisha ndërsa uroi demokratët e Vlorës dhe mbarë shqiptarët për një vit të ri sa më të mbarë.