U thirrë nga GJKKO sot në orën 14:00, Berisha: Nuk pranoj kurrë të shkel Kushtetutën!

Sot Gjykata e Posaçme e Shkallës së Parë kundër Korrupsionit dhe Krimit të Organizuar, GJKKO, e pret në orën 14:00 që ta marrë në pyetje lidhur me privatizimin e Kompleksit Partizani, por Ish-Kryeministri Sali Berisha thotë se është i gatshëm për t’iu përgjigjur çdo pyetje, por nuk pranon kurrë të shkel Kushtetutën.

“Jam i gatshëm për t’iu përgjigjur çdo pyetje, por kurrë për vendime antikushtetuese. Nuk e bëj absolutisht për vete, sepse unë siç e dini ju, jam njeriu që kam dërguar në parlament ligjin, i cili vendoste barazinë e plotë midis çdo zyrtari dhe qytetarit në Kushtetutë.

Këtë ligj e ktheu me forcën e kartonit Edi Rama. Jam gati ta votoj nesër. Jam gati pa asnjë hezitim. Por përse ky ligj është në Kushtetutën e vendit, unë nuk mund të pranoj dot asnjë lloj kompromisi për shkeljen e tij. Përkundrazi po konsultohem me juristë dhe të tjerë, që të ndërmarr të gjithë hapat e tjerë në mbrojtje të Kushtetutës,” tha Sali Berisha duke u shprehur i gatshëm që në çdo kohë të paraqitet për t’u pyetur çdo gjë.

“E vetmja gjë, që nuk mund të pranoj kurrë, të shkel Kushtetutën e vendit. Të ndryshojmë Kushtetutën e vendit, jam autori i ligjit, që kjo mbrojtje nuk duhet të ekzistojë. Nuk duhet të ekzistojë, duhet të jenë të gjithë të barabartë. Hajde atëherë të ndryshojmë Kushtetutën, por jo ta menderosim Kushtetutën,” tha Ish-Kryeministri Sali Berisha duke siguruar se piramida e trillimit, e mashtrimit dhe e falsifikimit do të shembet ndërsa garantoj se nuk do të pengoj asnjë proces gjyqësor e hetimor.

Ndryshe Ish-Kryeministri Sali Berisha, është nën hetim nga SPAK nën akuzën e korrupsionit pasiv, për çështjen e privatizimit të Kompleksit Partizani ndërsa dje

Gjykata e Posaçme e Shkallës së Parë kundër Korrupsionit dhe Krimit të Organizuar dje ka bërë të ditur se Berisha të cilit i është caktuar masa “detyrim paraqitje” është thirrur për sot në orën 14:00 që ta marrë në pyetje.