UEFA Conference League, përcaktohen oraret për ndeshjet e raundit të tretë të Egnatias dhe Dinamo City

UEFA ka përcaktuar datat dhe oraret për ndeshjet e raundit të tretë të UEFA Conference League ku dy skuadrat shqiptare, Egnatia dhe Dinamo City, vazhdojnë rrugëtimin  pas paraqitjeve pozitive në turin e dytë kualifikues.

Më 7 gusht, Egnatia do të përballet me Olimpijan në stadiumin “Stožice” të Lublanës në ora 20:00, ndërsa takimi i kthimit do të luhet në “Arena Egnatia” më 14 gusht në ora 21:00.

Dinamo City do të përballet me ekipin e Hajduk Splitit ku ndeshja e parë do të luhet në Split më 7 gusht në ora 21:00, ndërsa ndeshja e dytë është planifikuar të luhet në “Elbasan Arena” më 14 gusht në ora 20:45.

Ndryshe, në turin e dytë të UEFA Conference League, Egnatia eliminoi Dinamo Minskun, duke fituar me rezultatin e përgjithshëm 3-0, deri sa Dinamo City mposhti Atletic Club Escaldes me shifrat 3-2 në total.