Ujë nuk ka, por paaftësi! Përgjegjësi nuk i duhet Edi Ramës, por themelimi i Operatorit të Ujit
Borxhet e larta, paaftësia në mënaxhim dhe politizimi i burimeve njerëzore në ndërmarrjet për ujin, kanë përgjegjës por kjo nuk i intereson Kryeministrit Edi Rama dhe sikur u ul sot në fron, për përmirësimin e gjendjes pas 12 vjet shkatërrimi prezanton themelimin e Operatorit Kombëtar të Ujit
Ajo që ka ndodhur deri tani, tha Edi Rama nuk lë shpresë për përmirësim të situatës, ndaj një hap i tillë ishte i domosdoshëm, ndërsa premtimin për 24 ujë nga viti 2013 sot kur ujë nuk ka as 2 orë nga këto 24 të premtuara, i zëvendësoi me eliminim të humbjeve në rrjet.
“Paaftësia dhe politizimi në ndërmarrjet për ujin e çuan situatën në gjendje të rëndë. Ne kemi bërë investime masive nga ana e qeverisë qendrore. Katër zona furnizoheshin me ujë 24 orë më 2013 dhe kishte 70 përqind humbje në rrjet, sot panorama është tërësisht ndryshe me atë që ishte.
Por nuk është mirë në raport me atë që ne duam. Vlora e nisi sezonin turistik në gjendje të papranueshme, ku në disa zona nuk kishte furnizim me ujë. Por kemi punuar dhe situata u përmirësua. Kemi probleme, të cilat presim t’i rregullojmë përmes OKU,” tha Edi Rama duke paralajmëruar zgjidhjen e problemit të ujit me modelin e maskarallëkut me dritat, ku debitorët e mëdhenjë debitore e shteti do merret me depozitat, lavazhet e makinave dhe abuzues lagjes, ndërsa pallatet pa leje që ndërtohen do të soditen nga satelitët dhe dronët.
“Sa i përket reformës jemi shumë të qartë se cdo të bëjmë nga prodhimi, tek shpërndarja dhe furnizimi njëlloj si me energjinë. Nga ana tjetër siç kemi bërë me energjinë do të ndërhyjmë me plan masash për të ndaluar abuzimesh.
Nuk janë qytetarët që abuzojnë, ka abuzues për qëllime fitime, abuzues lavazhesh nëpër lagje, abuzues me ujë që derdhet në rrugët kombëtare, abuzues me lidhje të paligjshme nën tokë të cilat do të jenë target e planit të masave.
Koha të vijojmë me planin e heqjes së depozitave që janë kthyer në pesha të jashtëzakonshme mbi pallate të ndërtuara kohë më parë e mund të kthehen në burim katastrofash. Heqja e depozitave duhet t’ua shpjegojmë njerëzve që përmirëson furnizimin,” tha Edi Rama duke paralajmëruar burg për atë që vjedh ujin.
“Ai që paguan ujin ka të gjithë të drejtën të vërë kujën pse nuk e merr ujin, ndërsa ai që e vjedh ujin duhet të penalizohet me heqje lirie, siç ndodhi me ata që vidhnin energjinë elektrike,” tha Kryeministri duke paralajmëruar ditë të zeza për ata që nuk kanë lekë dhe i pret çarçafi në qeli.
Në fund, drejtuesi i kësaj qeverie të dështuar paralajmëroi atë për të cilën është mjeshtër, krijimin e taskforcës.
“Siç krijuam taskforcën e energjisë, do të krijojmë taskforcën e ujit në nivel kombëtar dhe do të punojmë shumë fort që të respektojmë shumicën e popullit që paguan rregullisht ujin dhe që meriton një shërbim më të mirë. Ky është thelbi. Nuk mundet që shumica të paguajë dhe për pakicën dhe të vuajë pse një pakicë do të marrë qyl një mall që ka koston e vet!”
