“Ujku Shigjetë”, FSK me ushtrim fushor nga 31 gushti deri më 5 shtator

Të dielen e 31 gushtit, Forca e Sigurisë së Kosovës, FSK, do të nisë ushtrimin fushor “Ujku Shigjetë”, në kuadër të përgatitjeve për validimin e Regjimentit të tretë.

Për këtë arsye, FSK njofton qytetarët se nga 31 gushti e deri më 5 shtator sa do të zgjasë ky ushtrim fushor do ketë lëvizje të konvojeve nga vendbazimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës.

“Njoftojmë gjithë qytetarët e Republikës së Kosovës, se nga data 31 gusht deri më 05 shtator 2025 ,Forca e Sigurisë së Kosovës do të realizoi ushtrimin fushorë ‘Ujku Shigjetë’, në kuadër të përgatitjeve për validimin e Regjimentit të tretë,” thuhet në njoftimin e FSK-së, duke kërkuar mirëkuptimin e qytetarëve pasi do të ketë lëvizje edhe të mjeteve dhe pajisjeve ushtarake.

“Gjatë kësaj periudhe do ketë lëvizje të konvojeve nga vendbazimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës.”