Ukraina zmbraps sulmet ruse me dronë në tri rajone

Forcat Ajrore të Ukrainës kanë bërë të ditur se mëngjesin e sotëm ka rrëzuar 13 nga 14 dronët e lëshuar nga Rusia në tre rajone ukrainase.

“Si rezultat i luftimeve kundërajrore, 13 dronë Shahed janë rrëzuar në rajonin e Mikolajivit, Kirovohardit dhe Rivnes,” tha Forcat Ajrore të Ukrainës përmes një postimi në rrjetin social Telegram.

Ende nuk ka të dhëna për viktima apo dëme, raporton RFE.

Ndërkaq, guvernatori i rajonit jugor rus Krasnodar, Veniamin Kondratyev, përmes rrjetit social Telegram u shpreh se një dron ukrainas është rrëzuar nga mbrojtja ajrore ruse mbi qytetin e Armavirit. Kondratyev nuk raportoi për viktima apo dëme.

Që kur ka nisur pushtimin e Ukrainës më 2022, Rusia sulmon rajonet ukrainase me armë të ndryshme, përfshirë dronë, raketa dhe armë të tjera, raporton RFE.

Pavarësisht dëshmive, Moska mohon se sulmon civilët në Ukrainë.