Ukrainasit sulmojnë urën e Krimesë me 1.100 kg eksploziv
Shërbimi ukrainas i sigurisë, SBU, raportoi se ka dëmtuar Urën e Krimesë me eksplozivë përmes një sulmi nënujorë.
“Kolonat nënujore të kalatave u dëmtuan rëndë në nivelin më të ulët,” tha inteligjenca ukrainase, SBU, duke e shoqëruar lajmin edhe me një video ku shihet shpërthimi.
СБУ провела нову унікальну спецоперацію і втретє вразила Кримський міст — цього разу під водою!
— СБ України (@ServiceSsu) June 3, 2025
Операція тривала декілька місяців. Агенти СБУ замінували опори цього незаконного об’єкта.
➡️ https://t.co/Rf4fR7QDXk pic.twitter.com/wgsS4HoCbc
Operacioni është rezultat i punës njëmujore, tha SBU, duke shtuar se 1.100 kg eksploziv u shpërthyen në orën 4:44 të mëngjesit të sotëm pa viktima civile.
Rusia ka pezulluar përkohësisht trafikun detar civil në ujërat pranë Sevastopolit në Krime, ndërkohë kanalet e Telegramit ukrainas dhe rus po raportojnë se një sulm i madh ukrainas me dron në Krime është duke u zhvilluar.
Ndryshe, Ura e Krimesë, e njohur gjithashtu si Ura e Kerçit, u ndërtua pas pushtimit rus të Krimesë në vitin 2014 dhe përfaqëson një lidhje kyçe të furnizimit dhe transportit për forcat ruse në pjesët e okupuara të Ukrainës.
Që nga fillimi i pushtimit rus, kjo është hera e tretë që ukrainasit sulmojnë urën e Krimesë. Ura pësoi dëme të konsiderueshme gjatë dy sulmeve të mëparshme ukrainase në tetor 2022 dhe korrik 2023.
