Ukrainë, Ministria e Mbrojtjes: Kemi rrëzuar një avion rus plot me parashutistë

Ministria e Mbrojtjes e Ukrainës ka bërë të ditur se një numër i madh i parashutistëve rus ka humbur jetën pasi forcat ukrainase kanë rrëzuar një avion që transportonte parashutistë në Kiev.

BBC nuk arriti të konfirmoj rastin tek Ministria e Mbrojtjes e Rusisë e cila ende nuk ka reaguar për raportimin e Ministrisë së Mbrojtjes Ukrainës.

Ministria e Mbrojtjes e Ukrainës, përmes rrjetit social Facebook ka raportuar se rreth orës 00:30, avionët luftarak ukrainas Su-27 janë përballur me avionin transportues ushtarak IL-76 MD i cili po tentonte që të lëshoj parashutistët afër Kievit, të cilin e kanë rrëzuar.

Sipas të dhënave që jep prodhuesi, avioni mund të transportoj deri 167 ushtarë, si dhe ekuipazhin prej 6-7 njerëzve.

“Kjo është hakmarrja për Luhansk 2014”, thekson përmes rrjetit social Facebook, Komandanti i ushtrisë ukrainase, gjeneralkolonel Valery Zaluzhny, duke ju referuar rrëzimit të avionit ukrainas nga ushtria ruse në qershorin e vitit 2014 ku humbën jetën 40 parashutistë dhe 9 anëtarë të ekuipazhit ukrainas.

Ndërkohë zëdhënësi i ushtrisë ruse, gjenerali Igor Konashenkov, duke gënjyer si të gjithë zëdhënësat e tjerë rus tha sot se Moska nuk ka pësuar asnjë viktimë gjatë pushtimit të Ukrainës.