Ukrainë, shkatërrohet një anije ruse në Krime

Forcat Ajrore të Ukrainës bënë të ditur sot se kanë shkatërruar një anije të Flotës ruse në afërsi të Gadishullit të Krimesë, anije që dyshohet se ka bartur dronë të cilët Moska synonte t’i përdorte në luftën kundër Kievit.

“Rreth orës 02:30, sipas kohës lokale, më 26 dhjetor, Forcat Ajrore sulmuan me raketa lundruese në zonën e Feodosias avionmbajtësin e madh, Novocherkassk, të Flotës së Detit të Zi të Federatës Ruse,” theksojnë Forcat Ajrore të Ukrainës përmes një njoftimi të publikuar në Telegram.

Feodosia, raporton RFE, është shtëpi e një baze të madhe detare të Gadishullin e pushtuar të Krimesë.

Në një njoftim paraprak nga autoritetet ukrainase u tha se Novocherkassk u “shkatërrua”, duke shtuar se “njerëzit thonë se po transportonte Shahed” – duke iu referuar dronëve kamikazë iranianë, që Rusia rregullisht i përdor kundër Ukrainës.