Ulliri dhe produktet e tij, Panair te Kalaja e Tiranës
Ulliri, kjo bimë subtropike dhe çudibërëse si pjesë e civilizimit mesdhetar që mijëra vjet më parë, është përdorur për ushqim, gatim, mjeksi, sapun dhe ndriçim. Për produktet e tij, në veçanti vajin e ullirit studimet tregojnë se:
-Vaji i ullirit përmirëson tensionin e gjakut dhe nivelin e lipideve.
-Vaji i ullirit parandalon shfaqjen e diabetit të tipit 2.
-Vaji i ullirit mirëmban nivelin e sheqernave në gjak tek pacientët që vuajnë nga diabeti.
-Vaji i ullirit pakëson rrezikun e trombozës që shkakton atak në zemër ose ishemi.
-Vaji i ullirit pakëson gjasat e shfaqjes së tumoreve, veçanërisht atij të gjirit.
Kalaja e Tiranës Familja Toptani ofron për banorët e kryeqytetit dhe jo vetëm, për shitje dhe degustim, shefa guzhine, ekspertë të fushës të ftuar për dy ditë në Panairin e Ullirit dhe produkteve të tij.
Shumë të reja për Vajin e ullirit, ullirin dhe mënyrat e përdorimit të tij në guzhinë së bashku me vlerat ushqyese që mbart mund ti zbuloni në Panairin e Ullirit dhe produkteve të tij .
Ndryshe, gjatë këtij viti përllogaritet në mbi 20 mijë tonë prodhimi i vajit të ullirit në vend. Në krahasim me 10 vite më parë, prodhimi i vajit të ullirit është rritur me gati katër herë.
Sipas të dhënave statistikore, të bazuara tek raportimi i ATA, rritja më e lartë e prodhimit të vajit të ullirit në vend është shënuar veçanërisht në dy vitet e fundit. Prodhimi vendas i vajit të ullirit në vitin 2017 regjistroi rekordin më të lartë me 20154 tonë vaj ulliri. Në vitin 2018 shënoi rënie të lehtë të prodhimit në mbi 18 mijë tonë, për shkak të prodhimit jo aq të mbarë dhe rendimenti i ullinjve qe më i ulët për të shënuar rritje këtë vit në mbi 20 mijë tonë.
