Ulqin, përurohet Konsullata e Shqipërisë
Sot në Ulqin u inaugurua Konsullata e Përgjithshme e Shqipërisë, e cila nga Ministrit për Evropën dhe Punët e Jashtme të Shqipërisë, Igli Hasani u cilësua si një dëshmi e raporteve të veçanta mes dy vendeve dhe një hap domethënës për forcimin e marrëdhënieve dypalëshe.
“Në një kohë kur Shqipëria dhe Mali i Zi janë aleate dhe ndajnë një vizion të përbashkët për paqe, stabilitet dhe integrim evropian, ky hap përfaqëson një shtyllë të rëndësishme për thellimin e bashkëpunimit në të gjitha nivelet – politik, ekonomik, kulturor dhe njerëzor,” u shpreh Igni Hasani duke theksuar kontributin e jashtëzakonshëm të komunitetit shqiptar në Mal të Zi në rrugën demokratike dhe euroatlantike të vendit, si një faktor i rëndësishëm stabiliteti dhe bashkëjetese.
Përveç Ministrit për Evropën dhe Punët e Jashtme të Shqipërisë, Igli Hasani, në ceremoni ishin të pranishë edhe Zv/Kryeministrit dhe Ministri i Jashtëm i Malit të Zi, Ervin Ibrahimoviç, Kryetari i Komunës së Ulqinit, Genc Nimanbegu, si dhe përfaqësuesve të tjerë të qeverisë qendrore e vendore, trupit diplomatik dhe qytetarëve.
Ndryshe, konsullata e cila u hap në Ulqin synon të shërbejë si nyje për nxitjen e shkëmbimeve tregtare, promovimin e investimeve dhe zhvillimin e qëndrueshëm, veçanërisht në sektorë si turizmi, energjia dhe infrastruktura.
Në përmbyllje të vizitës, Ministri për Evropën dhe Punët e Jashtme të Shqipërisë, Igli Hasani, zhvilloi takime edhe me drejtues të partive politike shqiptare në Malin e Zi, ku temë e diskutimeve ishin zhvillimet rajonale dhe sfidat politike, duke nënvizuar rëndësinë e përfaqësimit aktiv të shqiptarëve në institucionet vendore dhe shtetërore.
