Ulqin, Festivali i pestë D olcinium International festival nga 21-24 qershor

Organizata Turistike e Ulqinit në bashkëpunim me Komunën e Ulqinit, afaristët, dhe OJQ Porta di Danza, organizojnë për herë të peste festivalin folklorik D olcinium International festival i cili do të mbahet prej 21 deri me 24 qershor 2018.

Qëllimi i këtij manifestimi është prezantimi i kulturës dhe folklorit, vlerave të Ulqinit dhe rajonit në një vend, dhe të gjithë qytetarët dhe turistët që gjenden në Ulqin do të kenë mundësinë të kënaqen me  veshjet kombëtare, me folklorin, muzikën, rininë…

Manifestimi fillon me parakilimin e shoqatave folklorike me 22 qershor me fillim në ora 20:00 prej Qendrës për kulturë deri në Plazh të vogël, kurse koncerti fillon në ora 21:00 dhe do të mbahet në shetitore në Plazh të vogël, bënë të ditur OT Ulqini.

Nata e dytë e manifestimit fillon me parakalimin në shetitoren e Plazhit të vogël në ora 20:30 dhe koncerti do të vazhdojë  në ora 21.00.

D olcinium International festival, mund të themi që tashmë ka një karakter tradicional sepse po mbahet për të pestin vit radhazi, dhe këtë vit marrin pjesë grupet folklorike nga Ukraina, Turqia, Kroacia, Rumania, Slovakia, Bosnja dhe Hercegovina, Serbia, Kosova, Maqedonia, Shqipëria dhe Mali i Zi.