Ulqin, i humbi jetën punëtori në kantier, 31 vjeçari nga Shqipëria në paraburgim

Gjykata Themelore në Ulqin urdhëroi paraburgimin prej 30 ditësh për L.I. 31 vjeç nga Shqipëria, për shkak të vdekjes së një punëtori në një kantier ndërtimi në këtë qytet.

Banori i Ulqinit, E.K. 20 vjeç, humbi jetën të shtunën në kantierin e ndërtimit ku ishte i punësuar si ndihmës punëtor.

Gjykata Themelore në Ulqin ka bërë të ditur se L.I. dyshohet se ka kryer vepër penale, një vepër të rëndë kundër sigurisë publike.

“Paraburgimi u urdhërua për shkak të rrezikut të arratisjes së të dyshuarit, dhe në bazë të paraburgimit nga neni 175, paragrafi 1, pika 1 e Kodit të Procedurës Penale,” thekson Gjykata përmes njoftimit.