Ultimatumi i Vuçiçit, DASH: Dialogu Kosovë-Serbi, e vetmja rrugë përpara!
Departamenti amerikan i Shtetit, DASH, përsëriti se e ardhmja e Kosovës dhe Serbisë është në institucionet e Bashkimit Evropian dhe se dialogu mes tyre, i ndërmjetësuar nga BE, është e vetmja rrugë përpara!
“SHBA vazhdon të mbështesë fuqishëm dialogun e lehtësuar nga Bashkimi Evropian ndërmjet Kosovës dhe Serbisë, si rrugë për të arritur një marrëdhënie paqësore dhe produktive ndërmjet dy vendeve,” tha një zëdhënës i Departamentit të Shtetit duke iu përgjigjur RFE-së e cila kërkoi një koment rreth kërkesave të Presidentit të Serbisë, Aleksandar Vuçiç, për Kosovën,
Me këtë rast, Zëdhënësi i Departamentit amerikan të Shtetit i bëri gjithashtu thirrje Kosovës dhe Serbisë:
“Të përmbahen nga retorika e mëtejshme përshkallëzuese, veprimet e pakoordinuara apo aktet legjislative që bien ndesh me normalizimin e marrëdhënieve të tyre ose që rrezikojnë stabilitetin dhe sigurinë”.
Kryeministri i Kosovës, Albin Kurti, tha se kërkesat e Vuçiçit bëhen nga një dëshpërim dhe janë pjesë e fushatës agresive për konflikte të reja që pa dyshim nuk kanë vend as në Kosovë, ndërsa Kryetari i Parlamentit të Kosovës, Glauk Konjufca, tha se ato janë antikushtetuese!
Por në thelb, përveç hedhjes poshtë të Marrëveshjes së Kumanovës, gjithçka tjetër çfarë tha Presidenti i Serbisë, Aleksandar Vuçiç, duke ju drejtuar kombit serb ishte ultimatum!
Duke fyer jo vetëm serbët në Kosovë por edhe partnerët e tij perëndimor që kishte në krah duke përfshirë të dërguarin e BE për dialogun Kosovë-Serbi, Miroslav Lajçak, Presidenti serb Vuçiç edhe pse u kishte thënë vetë serbëve të braktisin zgjedhjet Lokale, Policinë e Kosovës, Gjykatat, Prokurorinë dhe instutocionet tjera, kërkoi në formë ultimative, gjithçka duke nisur nga status quoja, ose siç e quajti ai, “status quo ante”.
Duke e bërë të qartë se Lajçak gënjeu kur tha se Letra e Brnabiçit është tërhequr, ai tha me gojën e vetë sot se Marrëveshja e Kumanovës është e papranueshme meqë parashikon anëtarësimin e Kosovës në OKB ndërsa lëshoi kumtin:
1. Shpallja dhe mbajtja e zgjedhjeve të lira dhe demokratike në veri të Kosovës, me prezencën e emisionit të OSBE dhe BE;
2. Zbatimin e Nenit 9 të Marrëveshjes së parë të Brukselit me kthimin kolektiv të serbëve në Policinë e Kosovës në Veri;
3. Kthimin e gjykatësve dhe prokurorëve serbë në postet e drejtësië;
4. Tërheqjen e forcave speciale të Policisë së Kosovës nga bazat e ndërtuara dhe punktet e kontrolliti në veri të Kosovës, si dhe tërheqjen e tyre nga institucionet nga viti 1999 deri në mbylljen e tyre në vitin 2024 që i kanë ofruar qytetarëve shërbime administrative dhe publike (v.j.institucionet paralele të Serbisë);
5. Urgjent, pa shtyrje dhe përfundimisht të formohet Asociacioni i komunave me shumicë serbe. Konkretisht kjo do të thotë miratimi i Draftit përfundimtar të Asociacionit sipas Rregullores mbi punën e Ekipit Drejtues, i cili është parashikuar nga përfaqësuesit e zgjedhur të bashkësisë serbe në veri;
6. Zbatimi pa shtyrje e garancisë së BE dhe SHBA nga 28 dhjetori 2022 dhe lirimi i të gjithë të burgosurëve politik që janë për mometin dhe janë arrestuar nga Policis e Kosovës – në veçanti të atyre që morën pjesë në barikada;
7. Pa shtyrje të mundësohet qarkullimi i dinarit dhe shërbimet postare në veri,” tha Vuçiç duke fol për masa që nuk i zbaton dot as në Serbi ndërsa bëri të ditur se këto kërkesa do ti drejtohen të gjithë 60 liderëve botëror nga Biden deri te Putin, me të cilët, siç tha, do të takohet në aktivitetet ndërkombëtare që pritet të mbahen në OKB e OSBE deri më 1 Tetor, e ku llogaritë se do të ngrit ndërgjegjen për shkejljen e të drejtave të serbëve.
Dhe jo vetëm kaq! Pjesë e këtij spektakli mediatik ishin dhe anulimet e marrëveshjeve të arritura në Bruksel që ai u quajti masa: shpalljen e Kosovës rajon me mbrojtje sociale të veçantë; Institucionet serbe në Kosovë as nuk do të anulohen, as nuk do të mbyllen; Vendosjen e Prokurorisë së Posaçme; Dhe, në fund, shpalljen jolegjitime të të gjitha institucioneve në Kosovë.
