Ultimatumi Ramës: Largohuni nga selia! Të përndjekurit Antikomunist: Merr litarin e Kristaqit…

Kryeministri Edi Rama sërish lëshon ultimatum kundër Shoqatës Antikomuniste të të Përndjekurve Politikë të Shqipërisë, duke kërkuar të largohen nga selia e tyre aktuale. Të Përndjekurit Politikë Antikomunist duke refuzuar me neveri këtë akt dhune dhe shantazhi të qeverisë i bëjnë thirrje opozitës, institucioneve e organizatave të mbrojtjes së të drejtave të njeriut, përfaqësuesve diplomatik të SHBA e BE si dhe partnerëve ndërkombëtare, të reagojnë ndaj dhunës dhe presionit të etërve dhe bijve komunistë në pushtet po zbatojnë në mënyrë të përsëritur ndaj tyre për arsye e motive politike.

“Sot na mbërriti një tjetër ultimatum i firmosur nga Sekretari i Përgjithshëm i Ministrisë së Drejtësisë, Gentian Deva, i cili kërkon largimin tonë nga selia deri në datë 20. 12.2020,” theksojnë Të Përndjekurit Politikë Antikomunistë duke i bërë të qartë qeverisë se jo vetëm nuk do të largohen nga selia por do të përballen me dhunën e tyre politike ashtu si në diktuarë.

“I bëjmë thirrje Kryeministrit Edi Rama të ndalojë menjëherë dhunën e shantazhin ndaj të përndjekurve politike antikomunistë duke anuluar ‘urdhrin e ekzekutimit’ ndaj nesh, përndryshe të vijë vetë e ta ekzekutojë bashkë me Ruçin, Brahon dhe gjithë anëtarët e skuadrave komuniste të pushkatimit, sigurimin e shtetit, hetuesit, prokurorët dhe gjykatësit komunistë që ka në qeverinë e tij,” thekson Shoqata Antikomuniste e të Përndjekurve Politikë të Shqipërisë në protestën e sigluar nga Kryetari Nebil Çika, duke i sugjeruar Kryeministrit Edi Rama të marrë me vete edhe litarin me të cilën i ati i tij, Kristaq Rama, vari poetin antikomunist Havzi Nela, e shumë të tjerë nga ne.

Protestë

Shoqata Antikomuniste e te Përndjekurve Politike të Shqipërisë proteston ndaj përpjekjeve te përsëritura te qeverise për te dhunuar e bllokuar punën tone ne mbrojtje te idealeve dhe interesave të të përndjekurve politikë të diktaturës komuniste në Shqipëri.

Sot na mbërriti një tjetër “ultimatum“ i firmosur nga Sekretari i Përgjithshëm i Ministrisë së Drejtësisë, Gentian Deva, i cili kërkon largimin tone nga selia deri ne datë 20. 12.2020.

Selia jonë ndodhet që nga viti 1996 në ndërtesën e ish Komitetit Qendror te PPSH ne Bulevardin Dëshmorët e Kombit ne Tiranë . Është vendosur këtu me VKM te qeverisë se asaj kohe ,si simbolike politike e historike pasi pikërisht tek kjo ndërtese u projektua e u vendos politika e strategjia e gjenocidit dhe krimeve kundër njerizimit e zbatua ndaj nesh dhe shumicës se popullit shqiptar nga diktatura komuniste.

Ultimatumi i qeverise për te na larguar ne nga kjo seli ka prapavije te qartë politike dhe lidhet me qëndrimet tona kundër politikave te saje ne përpjekjet për restaurimin e diktaturës komuniste dhe riciklimin ne pushtet te autoreve te krimeve te komunizmit krime kundër njerëzimit dhe gjenocid.

Ky “ultimatum” është për një urdhër ekzekutimi pjese e terrorit dhe shantazhit politik qe komunistet dje dhe sot kane ushtruar ndaj të përndjekurve politike antikomuniste dhe prova me e qartë që lufta e klasave në Shqipërinë e qeverisur nga komunistet e Edi Ramës ,Garmoz Rucit, Spartak Brahos e tje vazhdon. Kjo qeveri nuk e duron dot faktin qe ne jemi ne ndërtesën e ish KQ te PPSH pasi e konsiderojnë si prone politike e ideologjike të tyre. Për ta është e pa pranueshme qe ne te jemi ne një ndërtese ku ka drejtuar Diktatori Enver Hoxha dhe tani ministri i brendshëm i tij i tij Gramoz Ruçi. Qeverinë e tmerron fakti qe ne te përndjekurit antikomunistë jemi përballë zyrës se kryeministrit pasi sipas tyre vendi ynë është vetëm në burg apo me keq, para togave të pushkatimit.

Ne te përndjekurit politike antikomuniste refuzojmë me neveri ketë dhune e shantazh te qeverisëse ndaj shoqatës sonë i garantojmë ata se jo vetëm nuk do te largohemi nga selia jone por do te përballemi me dhunën e tyre politike ashtu si ne diktuare.

I bëjmë thirrje Kryeministrit Edi Rama te ndalojë me një here dhunën e shantazhin ndaj te përndjekurve politike antikomuniste duke anuluar “urdhrin e ekzekutimit” ndaj nesh përndryshe te vije vete e ta ekzekutoje bashkë me Ruçin, Brahon dhe gjithë anëtarët e skuadrave komuniste e pushkatimit, sigurimin e shtetit , hetuesit ,prokurorët dhe gjykatësit komuniste qe ka në qeverinë e tij.

Të marre me vete edhe litarin me të cilën i ati i tij, Kristaq Rama, vari poetin antikomunist Havzi Nela e shumë të tjerë nga ne.

I bëjmë thirrje opozitës, institucioneve e organizatave te mbrojtjes se te drejtave te njeriut , përfaqësuesve diplomatike te SHBA e BE si dhe partnereve tanë ndërkombëtare, te reagojnë ndaj dhunës dhe presionit te etërit dhe bijtë komuniste ne pushtet po zbatojnë ne mënyrë te përsëritur ndaj nesh për arsye e motive politike.

I bëjmë thirrje mediave opinionit publik dhe shoqërisë civile te reagojë ndaj këtij “urdhri ekzekutimi “ qe sot është kundër nesh por nesër mund te urdhërohet ndaj çdokujt që mund te mos i shkoje për shtat qeverise.

Ne jemi të vendosur te përballemi me ta me çdo mjet e mënyre siç kemi dëshmuar me qëndresën dhe sakrificën tonë ndaj diktaturës antikomuniste e etërve apo e bijve qofte ajo.

Kryetari

Nebil Çika