Unaza e Madhe/ Dëshmi, PD: Edi Rama po shemb shtëpi që trafikantët e drogës të ndërtojnë pallate…

Të gjithë ata që nuk kishin dyshime mbi synimet e Edi Ramës për fillimin e shembjes së shtëpive te Unaza e Re në emër të projektit “Unaza e Madhe” sot mund binden me dokumentet që publikon Partia Demokratike. Pra, nuk është fjala për rrugën, as për çlirimin e lëvizjes në kryeqytet, aq më pak interesin e qytetarëve.

Thjeshtë një projekt për interes të Edi Ramës dhe Erion Veliajt me ndihmën e krimit të organizuar i cili nuk përfundon tek 40 milionë euro për ndërtimin e 2.2 kilometrave të Unazës përmes paracaktimit të 3 fituesve të tenderit dhe nëpërmjet fallsifikimit ndërkombëtar të dokumentave të njërit prej fituesve, DH Albania që tashmë janë bërë publike.

Partia Demokratike publikon sot fakte tronditëse se si Rama dhe Veliaj kanë bashkëpunuar për një projekt tjetër korruptiv me trafikantin ndërkombëtar të drogës Edmond Bego, i njohur si miku i Taulant Ballës, thekson deputetja e PD, Jorida Tabaku duke shtuar:

“Edmond Bego ka parashikuar të ndërtojë një kompleks rezidencial luksoz tek zona e Unazës së Madhe. Për llogari të këtij projekti të trafikantit të drogës, Edi Rama dhe Erion Veliaj: kanë ndryshuar Planin Urbanistik të Tiranës, kanë ndryshuar rrjedhën e lumit Lanë në favor të projektit luksoz të trafikantit të drogës, dhe, kanë planifikuar dëbimin nga shtëpitë të të paktën 200 familjeve për të mbajtur të paprekur pronën e Edmond Begos.”

Me Planin Urbanistik të vitit 2013 projekti për sistemimin e Lanës prekte një pjesë të tokës ku do të ndërtojë Mond Bego, thekson Jorida Tabaku duke saktësuar se bëhet fjalë për zonën e njohur si ish Serat, e privatizuar në vitin 2016 me firmën të Arben Ahmetajt. Dhe si u realizua kjo:

“Plani Urbanistik u ndryshua në vitin 2017 me firmën e Edi Ramës dhe Erion Veliajt. Plani Rama-Veliaj ndryshoi projektin për sistemimin e Lanës me qëllim mosprekjen e zonëssë ish serave, ku trafikanti ndërkombëtar i drogës Edmond Bego, ka planifikuar të ndërtojë kompleksin luksoz rezidencial,” konstaton deputetja e Partisë Demokratike, Jorida Tabaku derisa Këshilltari Ligjor i PD, Gazment Bardhi sjell fakte që dëshmojnë përfshirjen e Edi Ramës dhe Erion Veliajt në një aferë gjigande korruptive për llogari të disa oligarkëve dhe krimit të organizuar.

Me firmën e Edi Ramës dhe Erion Veliajt për ndryshimin e rrjedhëssë Lanës dhe me firmën e Arben Ahmetajt për privatizimin e ish Serave, mikut trafikant droge të Taulant Ballës, Edmond Bego, iu hap rruga qëtë ndërtojë në një sipërfaqe prej rreth 30 mijë metra katror, thekson Bardhi duke sqaruar: 

“Dokumentet e Hipotekës provojnë se kjo sipërfaqe toke i ka kaluar për ndërtim kompanisë ALSION-ALBANIA, e cila është në pronësi 100 për qind e Mond Begës. ALSION-ALBANIA do të ndërtojë tek ish Serat një projekt me vlerë fillestare investimi 60 milionë euro.”

Të dhënat e projektit të siguruar nga Partia Demokratike tregojnë se vendndodhja e tij është përgjatë Unazës së Madhe, buzë lumit Lanë, sipas ndryshimit me firmën Rama Veliaj në vitin 2017, sqaron Bardhi:

Projekti luksoz i Mond Begës është krijuar, thote ai nga studio italiane MISALAB, ku si klient paraqitet kompania tjetër e Mond Begës, INERTE EXPRES.

Kompleksi rezidencial, ku do të investohen 60 milionë euro, është paraqitur prej Edmond Begos në Bashkinë e Tiranës, ku kanë nisur procedurat e pajisjes së tij me lejen dërtimi.

Edi Rama dhe ErionVeliaj kanë ndryshuar Planin Urbanistik për ta vënë në funksion të realizimit të projektit të Edmond Begës.

Ndryshimi i projektit të Unazës së Madhedhe si stemimit të shtratit të Lumit Lana për llogari të Edmond Begës është kriminal, konstaton 
Këshilltari Ligjor i PD, duke shtuar se nga ndryshimi i projektit preken rreth 200 familje, ku pjesa dërrmuese e tyre janë në proces legalizimi. Kjo do të thotë që Edi Rama do të nxjerrë në qiell të hapur mijëra banorë për t’i shërbyer pastrimit të parave të pista që vijnë nga krimi i organizuar dhe trafiku ndërkombëtar i drogës.

“Firma e Edi Ramës dhe ErionVeliajt për ndryshimin e Planit Urbanistik dhe të shtratit të lumit të Lanës për të mos prekur projektin 60 milionësh të Edmond Begos në kurriz të 200 familjeve shqiptare është treguesi më i qartë se alternativë e vetme e Edi Ramës është bashkëqeverisja e tij me krimin e organizuar,” vlereson Këshilltari Ligjor i PD, Gazment Bardhi duke perfunduar:

“Kjo qeveri e ka vënë shtetin në shërbim të trafikantëve të drogës. Ajo po shemb shtëpitë e shqiptarëve që krimi të ndërtojë pallate.”

Deklarata e plotë e Jorida Tabakut

Prej më shumë se një muaji, Partia Demokratike ka njohur shqiptarët me fakte të pakundërshtueshme se projekti i Unazës së Madhe është një projekt korruptiv i Edi Ramës dhe Erion Veliajt.

Janë 40 milionë euro që çifti më i korruptuar i politikanëve sot në Europë, Rama dhe Veliaj, po përfitojnë në 2.2 kilometra nëpërmjet paracaktimit të 3 fituesve të tenderit dhe nëpërmjet fallsifikimit ndërkombëtar të dokumentave të njërit prej fituesve, DH Albania.

Por duke qenë se projekti i vetëm i Edi Ramës dhe Erion Veliajt është vjedhja dhe grabitja e qytetarëve, ata nuk ndalen me 40 milionë euro.
Partia Demokratike publikon sot fakte tronditëse se si Rama dhe Veliaj kanë bashkëpunuar për një projekt tjetër korruptiv me trafikantin ndërkombëtar të drogës Edmond Bego, i njohur si miku i Taulant Ballës.

Edmond Bego ka parashikuar të ndërtojë një kompleks rezidencial luksoz tek zona e Unazës së Madhe. Për llogari të këtij projekti të trafikantit të drogës, Edi Rama dhe Erion Veliaj:
• kanë ndryshuar Planin Urbanistik të Tiranës
• kanë ndryshuar rrjedhën e lumit Lanë në favor të projektit luksoz të trafikantit të drogës
• kanë planifikuar dëbimin nga shtëpitë të të paktën 200 familjeve për të mbajtur të paprekur pronën e Edmond Begos.

Me Planin Urbanistik të vitit 2013 projekti për sistemimin e Lanës prekte një pjesë të tokës ku do të ndërtojë Mond Bego.

Bëhet fjalë për zonën e njohur si ish Serat, e privatizuar në vitin 2016 me firmën të Arben Ahmetajt.

Plani Urbanistik u ndryshua në vitin 2017 me firmën e Edi Ramës dhe Erion Veliajt.

Plani Rama-Veliaj ndryshoi projektin për sistemimin e Lanës me qëllim mosprekjen e zonëssë ish serave, ku trafikanti ndërkombëtar i drogës Edmond Bego, ka planifikuar të ndërtojë kompleksin luksoz rezidencial.

Zoti Bardhi ka dokumenta të tjera për t’ju treguar, të cilat provojnë se Edi Rama dhe Erion Veliaj janë përfshirë në një aferë gjigande korruptive për llogari të disa oligarkëve dhe krimit të organizuar.

Nga njëra anë shpikin një projekt të fryrë 40 milionë euro dhe e ndajnë pa garë me 3 oligarkë, nga ana tjetër ndryshojnë Planin Urbanistik dhe shtratin e lumit Lanë për llogari të një trafikanti ndërkombëtar droge.

Deklarat e plotë e Gazment Bardhit, Këshilltar Ligjor i PD

Me firmën e Edi Ramës dhe Erion Veliajt për ndryshimin e rrjedhëssë Lanës dhe me firmën e Arben Ahmetajt për privatizimin e ish Serave, mikut trafikant droge të Taulant Ballës, Edmond Bego, iu hap rruga qëtë ndërtojë në një sipërfaqe prej rreth 30 mijë metra katror.

Dokumentet e Hipotekës provojnë se kjo sipërfaqe toke i ka kaluar për ndërtim kompanisë ALSION-ALBANIA, e cila është në pronësi 100 për qind e Mond Begës.

ALSION-ALBANIA do të ndërtojë tek ish Serat një projekt me vlerë fillestare investimi 60 milionë euro.

Të dhënat e projektit të siguruar nga Partia Demokratike tregojnë se vendndodhja e tij është përgjatë Unazës së Madhe, buzë lumit Lanë, sipas ndryshimit me firmën Rama Veliaj në vitin 2017.

Projekti luksoz i Mond Begës është krijuar nga studio italiane MISALAB, ku si klient paraqitet kompania tjetër e Mond Begës, INERTE EXPRES.
Kompleksi rezidencial, ku do të investohen 60 milionë euro, është paraqitur prej Edmond Begos në Bashkinë e Tiranës, ku kanë nisur procedurat e pajisjes së tij me leje ndërtimi.

Edi Rama dhe Erion Veliaj kanë ndryshuar Planin Urbanistik për ta vënë në funksion të realizimit të projektit të Edmond Begës.

Ndryshimi i projektit të Unazës së Madhedhe si stemimiit të shtratit të Lumit Lana për llogari të Edmond Begës është kriminal.

Nga ndryshimi i projektit preken rreth 200 familje, ku pjesa dërrmuese e tyre janë në proces legalizimi. Kjo do të thotë që Edi Rama do të nxjerrë në qiell të hapur mijëra banorë për t’i shërbyer pastrimit të parave të pista që vijnë nga krimi i organizuar dhe trafiku ndërkombëtar i drogës.

Firma e Edi Ramës dhe ErionVeliajt për ndryshimin e Planit Urbanistik dhe të shtratit të lumit të Lanës për të mos prekur projektin 60 milionësh të Edmond Begos në kurriz të 200 familjeve shqiptare është treguesi më i qartë se alternativë e vetme e Edi Ramës është bashkëqeverisja e tij me krimin e organizuar.

Kjo qeveri e ka vënë shtetin në shërbim të trafikantëve të drogës. Ajo po shemb shtëpitë e shqiptarëve që krimi të ndërtojë pallate